ବାରିପଦା ଅଫିସ, ୫ା୫- ବିରଳ ପ୍ରଜାତିର ଏକ ତମ୍ବା ମୁଣ୍ଡିଆ ଟ୍ରିଙ୍କେଟ ସାପକୁ ବାଟୁଳି ସାହାଯ୍ୟରେ ଗାଁ ଲୋକ ମାରି ଦେଇଥିବା ଅଭିଯୋଗ ହୋଇଛି। ଏପରି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲା ବାରିପଦା ରେଞ୍ଜ ଅଧୀନ ବହଳଦା ବିଟ୍ର ଗିରିଶଚନ୍ଦ୍ରପୁର ଗ୍ରାମରେ। ସାପଟିର ଲମ୍ବ ୮ ଫୁଟ ଓ ବୟସ ପାଖାପାଖି ୧୦ ବର୍ଷରୁ ଉର୍ଦ୍ଧ୍ୱ ହେବ ବୋଲି ଅନୁମାନ କରାଯାଉଛି। ଶିମିଳିପାଳ ପାଦ ଦେଶରେ ଏହି ଗାଁଟି ଅବସ୍ଥିତ ଥିବାରୁ ସାପଟି ମଙ୍ଗଳବାରେ ଅଭୟାରଣ୍ୟ ମଧ୍ୟରୁ ଗାଁ ଭିତରକୁ ପଶି ଆସିବାରୁ ଲୋକେ ତାହାକୁ ମାରି ଦେଇଥିଲେ। ଏନେଇ ବାରିପଦା ଡିଏଫଓ ସ୍ବୟମ ମଲ୍ଲିକଙ୍କୁ ପଚାରିବାରୁ ସେ ଏ ବିଷୟରେ ଅବଗତ ଥିବା ବେଳେ କେଉଁ ପରିସ୍ଥିତିରେ ସାପଟିକୁ ମରାଗଲା ତାହାର ତଦନ୍ତ କରାଯାଉଥିବା କହିଛନ୍ତି।
