ଭୁବନ, ୧୮ା୧୨(ଡି.ଏନ.ଏ.) – ଢେଙ୍କାନାଳ ଜିଲା ଭୁବନ ଏନ୍ଏସି ଅନ୍ତର୍ଗତ ୩ନଂ. ଓ୍ବାର୍ଡ ନୂଆ ଭୁବନ ଦେଇ ବାଲିବୋଝେଇ ଭାରିଯାନ ଚଳାଚଳକୁ ନେଇ ଅସନ୍ତୋଷ ତୀବ୍ର ହେବାରେ ଲାଗିଛି। ବାଲି ବ୍ୟବସାୟୀମାନେ ସର୍ତ୍ତ ଖିଲାପ କରୁଥିବାରୁ ଏହାର ପ୍ରତିବାଦରେ ମଙ୍ଗଳବାର ଅଞ୍ଚଳବାସୀ ପୁଣି ଥରେ ରାସ୍ତାକୁ ଓହ୍ଲାଇଛନ୍ତି। ଏହାର ସମାଧାନ କରିବାକୁ ଜିଲାପାଳଙ୍କୁ ଲିଖିତ ଦାବିପତ୍ର ଦିଆଯାଇଛି।
୫୩ନଂ. ଜାତୀୟ ରାଜପଥରୁ ବୁଦ୍ଧେଶ୍ୱର ଶୈବପୀଠକୁ ସଂଯୋଗ କରୁଥିବା ରାସ୍ତାରେ ଦୈନିକ ଶତାଧିକ ବାଲି ବୋଝେଇ ଟ୍ରକ୍, ହାଇଓ୍ବା ଯାତାୟାତ କରୁଛନ୍ତି। ଫଳରେ ଉକ୍ତ ରାସ୍ତା ଦୁର୍ଘଟଣାପ୍ରବଣ ହୋଇଗଲାଣି। ରାସ୍ତାରେ ବାଲି ଖସି ଜମି ରହୁଥିବାରୁ ବାଇକ୍, ସାଇକେଲ ଆରୋହୀ ଦୁର୍ଘଟଣାର ଶିକାର ହୋଇ ଖଣ୍ଡିଆଖାବରା ହେଉଛନ୍ତି। ଏହାକୁ ନେଇ ବିଗତ ଦିନରେ ଆନ୍ଦୋଳନ ହୋଇଛି। ବ୍ୟବସାୟୀ ସଂଘ, ଅଞ୍ଚଳବାସୀ ପ୍ରତିବାଦରେ ରାସ୍ତାକୁ ଓହ୍ଲାଇଛନ୍ତି। ସମସ୍ୟା ସମାଧାନ ଲାଗି ତହସିଲ ପ୍ରଶାସନ, ବାଲି ବ୍ୟବସାୟୀ ଏବଂ ଅଞ୍ଚଳବାସୀଙ୍କୁ ନେଇ ତ୍ରିପାକ୍ଷିକ ବୈଠକ ବସିଥିଲା। ନିୟମିତ ଭାବେ ରାସ୍ତା ଉପରୁ ବାଲି ସଫା କରିବା, ଧୂଳି ନ ଉଡ଼ିବାକୁ ପାଣି ସିଞ୍ଚନ ଏବଂ ଜନଗହଳିପୂର୍ଣ୍ଣ ସ୍ଥାନରେ ଧୀରେ ଗାଡ଼ି ଚଳାଇବାକୁ ବୈଠକରେ ନିଷ୍ପତ୍ତି ହୋଇଥିଲା। ଏହି ସର୍ତ୍ତକୁ କିଛିଦିନ ବ୍ୟବସାୟୀମାନେ ମାନିଥିଲେ। ହେଲେ ଦିନ କେଇଟା ପରେ ଏହାକୁ ପୁଣି ଥରେ ଉଲ୍ଲଂଘନ କରାଯାଉଥିବା ଅଞ୍ଚଳବାସୀ ଅଭିଯୋଗ କରିଛନ୍ତି। ଫଳରେ ସେମାନେ ଆନ୍ଦୋଳନକୁ ଓହ୍ଲାଇଥିବା କହିଛନ୍ତି। ଅନ୍ୟପଟେ ସନ୍ଧ୍ୟାସୁଦ୍ଧା ଆନ୍ଦୋଳନସ୍ଥଳରେ କୌଣସି ପ୍ରଶାସନିକ ଅଧିକାରୀ ପହଞ୍ଚତ୍ ନ ଥିଲେ। ଏହାକୁ ନେଇ ଆନ୍ଦୋଳନକାରୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ପ୍ରଶାସନ ଏ ଦିଗରେ କଡ଼ା କାର୍ଯ୍ୟାନୁଷ୍ଠାନ ନ ନେଲେ ଆଗାମୀ ଦିନରେ ଉକ୍ତ ରାସ୍ତା ଦେଇ ଗାଡ଼ି ଚଳାଚଳ ସମ୍ପୂର୍ଣ୍ଣ ବନ୍ଦ କରିଦିଆଯିବ ବୋଲି ଗ୍ରାମ ସଭାପତି ଚୈତନ୍ୟ ପୃଷ୍ଟି, ନରେନ୍ଦ୍ର ସାହୁ, ନାରାୟଣ ସାହୁ, ସୁଧୀର
