ଭବାନୀପାଟଣା,୨୫।୧(ଡି.ଏନ୍.ଏ.) : ଏକ ଘରୋଇ ବସ୍ର କାଚ ଭାଙ୍ଗିବା ଅଭିଯୋଗରେ ଟାଉନ ଥାନା ପୋଲିସ କଳାହାଣ୍ଡି ଜିଲା ଭବାନୀପାଟଣାର ୨ ଯୁବକଙ୍କୁ ଗିରଫ କରି ଶୁକ୍ରବାର ସନ୍ଧ୍ୟାରେ କୋର୍ଟଚାଲାଣ କରିଛି।
ସୂଚନା ଅନୁଯାୟୀ, ଗତ ୨୧ ତାରିଖ ରାତି ପ୍ରାୟ ୧୦ଟାରେ ନବରଙ୍ଗପୁର ଜିଲା କୁନ୍ଦେଇରୁ ଭୁବନେଶ୍ୱର ଯାଉଥିବା ଏକ ଘରୋଇ ବସ୍କୁ ଭବାନୀପାଟଣା ଆମ୍ବଗଛପଡ଼ା ଛକରେ ୨ ଯୁବକ ଅଟକାଇ ଗାଳିଗୁଲଜ କରିଥିଲେ। ଏହା ସହିତ ଟେକାପଥର ମାଡ଼ କରି କାଚ ଭାଙ୍ଗି ଦେଇଥିଲେ। ଥାନାରେ ଏ ନେଇ ଅଭିଯୋଗ ପରେ ଏସ୍ଆଇ ଶିବ ପ୍ରସାଦ ଭଦ୍ର ଏକ ମାମଲା ରୁଜୁ କରି ତଦନ୍ତ କରୁଥିଲେ। ଗିରଫ ଅଭିଯୁକ୍ତ ଆମ୍ବଗଛପଡ଼ାର ରଞ୍ଜିତ ବାଗ (୨୫) ଓ କ୍ଷିତିଶ ହରପାଲ (୨୧) ବୋଲି ଜଣାପଡ଼ିଛି।
