ଶେରଗଡ,୩ା୨(ଡି.ଏନ.ଏ.)-ଶେରଗଡ଼ ବ୍ଲକ ବଳିଆରସିଂହପୁର ଗ୍ରାମରେ ସୋମବାର ଭୋର୍ରେ ହାତୀପଲ ପଶି ପ୍ରାୟ ୫ ଏକର ଜମିର ପରିବା ଫସଲ ନଷ୍ଟ କରିଦେଇଛନ୍ତି। ଅଲାରିଗଡ଼ ଲଣ୍ଡା ପାହାଡରେ ଥିବା ୯ ହାତୀ ବଳିଆରସିଂହପୁର ଦେଇ ଗୋବିନ୍ଦପୁର ଗ୍ରାମ ଅଭିମୁଖେ ଯାଉଥିଲେ। ବଳିଆରସିଂହପୁରରେ ବିଷ୍ଣୂଚରଣ ପ୍ରହରାଜଙ୍କ ଜମିରେ ଲାଗିଥିବା ଟମାଟ, ମାଣ୍ଡିଆ, ଫୁଲକୋବି, ମୁଗ ଆଦି ଖାଇବାସହ ଦଳି ଦେଇଥିଲେ। ଫସଲ ଲକ୍ଷାଧିକ ଟଙ୍କାର ହେବ ବୋଲି ଗ୍ରାମବାସୀ କହିଛନ୍ତି। ଚାଷୀ ପ୍ରହରାଜ ଋଣ କରି ପରିବା ଚାଷ କରିଥିଲେ, ଏହା ନଷ୍ଟ ହୋଇଥିବାରୁ କେମିତି ଋଣ ସୁଝିିବି ବୋଲି ସେ କହିଛନ୍ତିି। ତେବେ ଚାଷୀଙ୍କୁ ସହାୟତା କରିବାକୁ ଦାବି ହେଉଛି। ବ୍ରହ୍ମପୁର ବନ ବିଭାଗକୁ ଖବର ଦିଆଯାଇଥିଲେ ମଧ୍ୟ କୌଣସି କର୍ମଚାରୀ ଘଟଣାସ୍ଥଳ ପରିଦର୍ଶନ କରିନାହାନ୍ତି।
