ଖଇରା, ୨୯।୩(ଡି.ଏନ.ଏ.)-ଏବେ କରୋନା ଭୂତାଣୁ ସଂକ୍ରମଣ ରୋକିବାକୁ ସରକାର ଲକ୍ଡାଉନ ଘୋଷଣା କରିଛନ୍ତି । ଖଇରା ସମେତ ବିଭିନ୍ନ ବଜାରରେ ଦୋକାନ ବଜାର ବନ୍ଦ ଥିବା ନେଇ ବାହାରୁ ଦୃଷ୍ଟି ଗୋଚର ହେଉଥିଲେ ହେଁ ଭିତର ପରିସ୍ଥିତି କିନ୍ତୁ ସମ୍ପୂର୍ଣ୍ଣ ଭିନ୍ନ । ଖଇରା ଥାନାଠାରୁ ୨୦ ମିଟର ଦୂରତାରେ ଥିବା ହୋଟେଲ ଓ ଏକ ଷ୍ଟେଶନାରୀ ଦୋକାନ ଖୋଲାଥିବାରୁ ଖଇରା ଅଞ୍ଚଳର ବହୁ ଛୋଟ ବ୍ୟବସାୟୀ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ା ହେଲେ ପୋଲିସ ଡରରେ କେହି କିଛି କହିବାକୁ ସାହସ କରିପାରୁନାହାନ୍ତି ା ଶୁକ୍ରବାର ଖଇରା ହାଟକୁ କୋଚିଆକୋଇଲି ପଡିଆକୁ ଉଠାଇ ଦିଆଯାଇଥିଲା। ସେଠାରେ ପ୍ରବଳ ଭିଡ ଜମୁଥିଲେ ମଧ୍ୟ ଦୃଷ୍ଟିଗୋଚର ନ ହେବା ପୋଲିସ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି ା ଗୋଟିଏ ପଟେ କଟକଣାକୁ ନେଇ ପୋଲିସ ଖଇରା ବ୍ଲକର କିଛି ଅଞ୍ଚଳକୁ ଖବର ସଂଗ୍ରହ ଲାଗି ଆସୁଥିବା ଗଣମାଧ୍ୟମ ପ୍ରତିନିଧିଙ୍କୁ ନାଲି ଆଖି ଦେଖାଉଥିବା ବେଳେ ଥାନା ସମ୍ମୁଖରୁ ଭିଡ ନିୟନ୍ତ୍ରଣ କରି ନ ପାରିବା ସାଧାରଣ ଲୋକଙ୍କ ଭରସା ତୁଟିବାରେ ଲାଗିଛି ା ଏ ସମ୍ପର୍କରେ ମାଜିଷ୍ଟ୍ରେଟ ଦାୟିତ୍ୱରେ ଥିବା ତହସିଲଦାର ପ୍ରଦୀପ କୁମାର ସାହୁଙ୍କୁ ପଚାରିବାରେ ଥାନା ସମ୍ମୁଖରେ ଯେଉଁ ଦୋକାନଗୁଡିକ ଖୋଲା ରହୁଛି ତାକୁ ବନ୍ଦ କରିବାକୁ ଦୃଷ୍ଟି ଦିଆଯିବ ବୋଲି କହିଛନ୍ତି ା
