ଛତ୍ରପୁର,୮ା୭(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ବ୍ଲକ ପୋଟଲାମପୁର ଗ୍ରାମ ପଞ୍ଚାୟତର ଗଙ୍ଗାପୁର-୧ କମା ସାହିରେ ଶୁକ୍ରବାର ବଜ୍ରପାତରେ ୧୦ରୁ ଊର୍ଦ୍ଧ୍ୱ ମହିଳା ଆହତ ହୋଇଛନ୍ତି। ସେମାନେ ହେଲେ ସୁକୁମା ନାହାକ, ମଞ୍ଜୁଳା ନାହାକ, ହେମ ନାହାକ, ଲିଲି ନାହାକ, ପ୍ରବାସୀ ନାହାକ, କୁନି ଖୁଆ, କୌତୁକି ପଲାଇ ଓ ସଞ୍ଜୁ ମହାରଣା ପ୍ରମୁଖ। ଅପରାହ୍ନରେ ଛତ୍ରପୁର ବ୍ଲକ ଅଞ୍ଚଳରେ କିଛି ସମୟ ପାଇଁ ବର୍ଷା ଓ ଘଡ଼ଘଡ଼ି ହେବା ଫଳରେ ଗଙ୍ଗାପୁର କମା ସାହିର ଘରେ ବିଶ୍ରାମ ନେଉଥିବା ବେଳେ ବଜ୍ରପାତ ପ୍ରଭାବରେ ମହିଳାମାନେ ଅସୁସ୍ଥ ମନେ କରିବାରୁ ପରିବାର ପକ୍ଷରୁ ସେମାନଙ୍କୁ ନିକଟସ୍ଥ ମୁନିସପେଣ୍ଠ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ବର୍ତ୍ତମାନ ସେମାନଙ୍କ ଅବସ୍ଥା ସ୍ଥିର ରହିଥିବା ଜଣାପଡିଛି। ବର୍ଷାରେ କେତେଜଣ ଲୋକଙ୍କ କାନ୍ଥ ଫାଟିଥିବା ଦେଖିବାକୁ ମିଳିଛି ।
