ଓ୍ବାଶିଂଟନ,୨୮।୧୦: ଆଇଏସ୍ ଆତଙ୍କବାଦୀ ଅବୁ ବକର ଅଲ୍ ବଗଦାଦିଙ୍କ ମୃତ୍ୟୁ ଘଟିଛି। ସିରିୟାରେ ଜାରି ରହିଥିବା ମିଳିତ ସର୍ଚ୍ଚ ଅପରେଶନ୍ରେ ଏଭଳି ହୋଇଥିବା ଆମେରିକା ରାଷ୍ଟ୍ରପତି ଡୋନାଲ୍ଡ୍ ଟ୍ରମ୍ପ୍ ଟୁଇଟ୍ କରି ସୂଚନା ଦେଇଛନ୍ତି। ସିଆଇଏ ସହାୟତାରେ ବଗଦାଦିଙ୍କ ସମ୍ପର୍କରେ ଆମେରିକା ସୈନ୍ୟ ବାହିନୀକୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିବା ପରେ ଅନ୍ଧାର ରାତିରେ ସିରିୟାର ଉତ୍ତର-ପଶ୍ଚିମ ଅଞ୍ଚଳରେ ଥିବା ଇଦବିଲ୍ ପ୍ରଦେଶରେ ଅପରେଶନ୍ ଆରମ୍ଭ ହୋଇଥିଲା। ଏକ ଗୁମ୍ଫାରେ କିଭଳି ବଗଦାଦିଙ୍କ ପଛରେ ଡଗ୍ ସ୍କ୍ବାଡ୍ ଦୌଡ଼ାଯାଇଥିଲା। ଶେଷରେ ବଗଦାଦି ଏକ ଆତ୍ମଘାତୀ ବିସ୍ଫୋରଣରେ ନିଜକୁ ଉଡ଼ାଇ ଦେଇଥିଲେ। ଏହି ସମସ୍ତ ମୃତ୍ୟୁ ଖେଳ ଟ୍ରମ୍ପ୍ ଘରେ ବସି ଲାଇଭ୍ ଦେଖିଥିବା ସୂଚନା ଦେଇଛନ୍ତି। ଏକ କୁକୁର ଏବଂ ଜଣେ କାପୁରୁଷ ଭଳି ବଗଦାଦିଙ୍କ ମୃତ୍ୟୁ ଘଟିଥିବା ଟ୍ରମ୍ପ୍ ସୂଚନା ଦେଇଛନ୍ତି।
