ପ୍ରହସନ ପାଲଟିଛି ସୁନେତ୍ର କାର୍ଯ୍ୟକ୍ରମ

ଦାରିଙ୍ଗବାଡ଼ି,୧୮।୨(ଡି.ଏନ.ଏ) – ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ପ୍ରହସନ ପାଲଟିଛି ସୁନେତ୍ର କାର୍ଯ୍ୟକ୍ରମ। ସୋମବାର ଦାରିଙ୍ଗବାଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ ୨୫ ପଞ୍ଚାୟତ ମଧ୍ୟରୁ ପ୍ରଥମ ପର୍ଯ୍ୟାୟରେ ୧୭ ଏବଂ ମଙ୍ଗଳବାର ବ୍ରାହ୍ମଣୀଗଁ। ଅଞ୍ଚଳରେ ଏହି ଶିବିର କରାଯାଇ ୮ ପଞ୍ଚାୟତରେ ଥିବା ବିଦ୍ୟାଳୟର ଛାତ୍ରୀଛାତ୍ରଙ୍କୁ ସରକାରଙ୍କ ସୁନେତ୍ର ଯୋଜନାରେ ଚକ୍ଷୁ ପରୀକ୍ଷା କାର୍ଯ୍ୟକ୍ରମ ରହିଥିଲା। ଜିଲା ସ୍ବାସ୍ଥ୍ୟକେନ୍ଦ୍ରରୁ ବିଶେଷଜ୍ଞ ଦଳ ଦାରିଙ୍ଗବାଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚିବା ପରେ ଶିବିର ଆୟୋଜନ ହୋଇନଥିଲା। ଫଳରେ ଜିଲା ମୁଖ୍ୟ ଚିକିତ୍ସାଳୟର ଚକ୍ଷୁ ବିଶେଷଜ୍ଞ ଡାକ୍ତର ଅରବିନ୍ଦ ଦାସ ଏବଂ ସହକାରୀ ଚକ୍ଷୁ ଚିକିତ୍ସକ ଭବାନୀ ଶଙ୍କର ମହାପାତ୍ର ଦାରିଙ୍ଗବାଡ଼ି ସରକାରୀ ଉଚ୍ଚ ବିଦ୍ୟାଳୟ, ସରକାରୀ ବାଳିକା ଉଚ୍ଚ ବିଦ୍ୟାଳୟ ଏବଂ ସିମନବାଡ଼ି ସରକାରୀ ଉଚ୍ଚ ବିଦ୍ୟାଳୟ ବୁଲି ବୁଲି ଛାତ୍ରୀଛାତ୍ରଙ୍କ ଚକ୍ଷୁ ସମସ୍ୟା ସମ୍ପର୍କରେ ପଚାରି ବୁଝିବା ସହ ସମସ୍ୟା ଥିବା ଛାତ୍ରୀଛାତ୍ରଙ୍କୁ ନେଇ ଅପରାହ୍ନରେ କାମଚଳା ଶିବିରର ଆୟୋଜନ କରାଯାଇ ଚକ୍ଷୁ ପରୀକ୍ଷା କରାଯାଇଥିଲା।
ଏହି ପରୀକ୍ଷା ଅପରାହ୍ନ ୩ଟା ପରେ ଆରମ୍ଭକୁ ନେଇ ଅସନ୍ତୋଷ ଦେଖା ଦେଇଥିଲା। ପୂର୍ବ ସୂଚନା ନ ଥିବାରୁ ଛାତ୍ରୀଛାତ୍ର ଓ ଗାଇଡ୍‌ ଶିକ୍ଷକ ଭୋକ ଉପାସରେ ହଇରାଣ ହୋଇଥିଲେ। ସ୍ବାସ୍ଥ୍ୟକେନ୍ଦ୍ରକୁ ଡକାଯାଇଥିବା ଛାତ୍ରୀଛାତ୍ରଙ୍କୁ ଅପରାହ୍ନ ସାଢ଼େ ୨ଟାରେ ହୋଟେଲରୁ ଖାଇବା ଆଣି ଦିଆଯାଇଥିଲା। ଅଞ୍ଚଳରେ ପ୍ରାୟ ୨୮୦ ବିଦ୍ୟାଳୟ ରହିଥିବାବେଳେ ମାତ୍ର ୩ ବିଦ୍ୟାଳୟରୁ ଛାତ୍ରୀଛାତ୍ରଙ୍କୁ ଯୋଗାଡ କରି କାମ ସାରିଦେଇଥିବାରୁ ଚଞ୍ଚକତା କରାଯାଇଥିବା ଅଭିଭାବକ ମହଲରେ ଅଭିଯୋଗ ହୋଇଛି।
ଏନେଇ ଦାରିଙ୍ଗବାଡ଼ି ବିଇଓ ବ୍ରହ୍ମାନନ୍ଦ ରାଉତ କହିଛନ୍ତି, ଶିବିର ନେଇ ତାଙ୍କୁ କୌଣସି ସୂଚନା ଦିଆଯାଇନାହିଁ। ପୂର୍ବବର୍ଷ ଏହି ଶିବିର ଗାଇଡ ଶିକ୍ଷକ ହାତରୁ ଖର୍ଚ୍ଚକରି ଛାତ୍ରୀଛାତ୍ରଙ୍କୁ ଆଣିଥିଲେ। ଆଜି ପର୍ଯ୍ୟନ୍ତ ଖର୍ଚ୍ଚ ବାବଦକୁ କୌଣସି ଅର୍ଥ ମିଳିନାହିଁ। ଏନେଇ ଦାରିଙ୍ଗବାଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଇନ୍‌ଚାର୍ଜ ଡାକ୍ତର ଜୟପାଲ ସେନାପତି କହିଛନ୍ତି ଯେ, ଜିଲାରୁ ଏଭଳି କାର୍ଯ୍ୟକ୍ରମ ପାଇଁ ହଠାତ୍‌ ଚିଠି ଆସୁଛି। ସମସ୍ତଙ୍କୁ ଯୋଗାଯୋଗ କରାଯିବା ଏବଂ ଶିବିର ଆୟୋଜନ କରିବା ସମ୍ଭବ ହେଉନାହିଁ। ଏନେଇ ସେ ଦାରିଙ୍ଗବାଡ଼ି ବିଇଓଙ୍କୁ ଚିଠି ଦ୍ୱାରା ଅବଗତ କରାଇଥିବା କହିଛନ୍ତି। କିନ୍ତୁ ବିଇଓ ରାଉତ ଏହାକୁ ଖଣ୍ଡନ କରିବା ସହ ଶନିବାର ଅପରାହ୍ନରେ କେବଳ କୁହାଯାଇଛି। ରବିବାର ଛୁଟି ଯୋଗୁ ସମସ୍ତ ବିଦ୍ୟାଳୟକୁ ସୂଚନା ଦେବା ସମ୍ଭବ ହେଲାନାହିଁ ବୋଲି ସେ କହିଛନ୍ତି। ଜିଲା ମୁଖ୍ୟ ଚିକିତ୍ସାଳୟରୁ ଆସିଥିବା ଚକ୍ଷୁ ବିଶେଷଜ୍ଞ ଅରବିନ୍ଦ ଦାସ କହିଛନ୍ତି ଯେ, ଶିବିର ଆୟୋଜନ ହୋଇ ନ ଥିବାରୁ ସେ ବାଧ୍ୟ ହୋଇ ବିଭିନ୍ନ ବିଦ୍ୟାଳୟକୁ ଯାଇ ପିଲାଙ୍କ ଚକ୍ଷୁ ସମସ୍ୟା ପଚାରି ବୁଝିବା ପରେ ଅପରାହ୍ନରେ ଶିବିରକୁ ଡକାଇ ଚକ୍ଷୁ ପରୀକ୍ଷା କରାଇଥିଲେ। ପ୍ରକ୍ରିୟା ଜାରି ରହିବା ସହ ଭ୍ରାମ୍ୟମାଣ ଗାଡ଼ିରେ ବୁଲି ସମସ୍ତ ବିଦ୍ୟାଳୟରେ ସେ ଏହି ପରୀକ୍ଷା କରାଇନେବେ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଉଦ୍‌ଘାଟନ କଲେ ପ୍ରଧାନମନ୍ତ୍ରୀ , ବିଧାୟକ କହିଲେ…

ତୁମୁଡ଼ିବନ୍ଧ,୧୫।୧୧(ଦୀପକ କୁମାର ପରାସେଠ): କନ୍ଧମାଳ ଜିଲା ତୁମୁଡ଼ିବନ୍ଧ ବ୍ଲକ୍‌ ତୁଟୁଲୁବାଠାରେ ନୂତନ ଭାବେ ନିର୍ମିତ ହୋଇଥିବା ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଭାଷୀ…

ଦାରିଙ୍ଗବାଡ଼ିରେ ଏକଲବ୍ୟ ମଡେଲ୍‌ ସ୍କୁଲର ଭିତ୍ତିପ୍ରସ୍ତର ସ୍ଥାପନ, ଭର୍ଚୁଆଲରେ ଶୁଭାରମ୍ଭ କଲେ ପ୍ରଧାନମନ୍ତ୍ରୀ

ଦାରିଙ୍ଗବାଡି,୧୫ା୧୧(ଅରୁଣ ସାହୁ ):ରବିବାର ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଭର୍ଚୁଆଲ୍ ମାଧ୍ୟମରେ ଏକଲବ୍ୟ ମୋଡେଲ ରେସିଡେଣ୍ଟିଆଲ ସ୍କୁଲର ଭିତ୍ତିପ୍ରସ୍ତର ଅନୁଷ୍ଠିତ ହୋଇଯାଇଛି । ଏହି ପ୍ରରିପ୍ରେକ୍ଷୀରେ…

ଦାରିଙ୍ଗବାଡ଼ିରେ ଶୀତ ସାଙ୍ଗକୁ ବଢୁଛି ସାଂଗଠନିକ ବୈଠକର ମାହୋଲ: ଅନୁଷ୍ଠିତ ହେଲା ମଧୁ ବୈଶ୍ୟ ସମାଜର ଘୁମୁସର ତାଳୁକା ବୈଠକ

ଦାରିଙ୍ଗବାଡ଼ି, ୧୪।୧୧(ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ିରେ ଏବେ ଶୀତର ଲହରୀ ଜାରି ରହିଛି। ଶୀତୁଆ ପାଗର ମଜା ନେବାକୁ ରାଜ୍ୟ…

ନିଜ ପାଇଁ ନିଜେ ଅଣ୍ଟା ଭିଡ଼ିଲେ ସୁନ୍ଦରଦଣ୍ଡ ଗ୍ରାମବାସୀ: ସ୍ୱଚ୍ଛତାକୁ ଗୁରୁତ୍ୱ, ପ୍ଲାଷ୍ଟିକ ବ୍ୟବହାରକୁ ନା…

ଦାରିଙ୍ଗବାଡ଼ି, ୧୪।୧୧ (ଅରୁଣ ସାହୁ): ଗାଁ ଦାଣ୍ଡକୁ ସଫାସୁତୁରା ରଖିବା, ଅନାବନା ଘାସ କାଟିବା ସହ ଏଣେତେଣେ ପଡ଼ିଥିବା ପଲିଥିନ ଓ ପ୍ଲାଷ୍ଟିକ ଆବର୍ଜନା ହଟାଇବା ନେଇ…

ଦାରିଙ୍ଗବାଡ଼ିରେ ରାଜ୍ୟ ନିର୍ବାଚନ ଆୟୋଗଙ୍କ କନ୍ଧମାଳ ପର୍ଯ୍ୟବେକ୍ଷକ: ଭୋଟର ତାଲିକା ସର୍ବେକ୍ଷଣର କଲେ ସମୀକ୍ଷା

ଦାରିଙ୍ଗବାଡ଼ି, ୧୪।୧୧ (ଅରୁଣ ସାହୁ):୨୦୨୭ ମସିହାରେ ଓଡ଼ିଶାରେ ହେବାକୁ ଥିବା ପଞ୍ଚାୟତ ନିର୍ବାଚନ ପୂର୍ବରୁ ସ୍ବଚ୍ଛ, ଅଦ୍ୟତନ ଓ ନାଗରିକ କୈନ୍ଦ୍ରିକ ଭୋଟର ତାଲିକା ପ୍ରସ୍ତୁତି ପାଇଁ…

ଏଣିକି ଆବେଦନ ମାସରୁ ମିଳିବ ପେନସନ: ଦାରିଙ୍ଗବାଡ଼ିରେ ଏକୀକୃତ ପେନସନ ପୋର୍ଟାଲ ସଚେତନତା ଅଭିଯାନ

ଦାରିଙ୍ଗବାଡ଼ି,୧୪।୧୧(ଅରୁଣ ସାହୁ):ପେନସନ ପାଇବା ପାଇଁ ଆଉ ବର୍ଷ ବର୍ଷ ଧରି ଅପେକ୍ଷା କରିବାକୁ ପଡ଼ିବ ନାହିଁ। ଏଣିକି ଯୋଗ୍ୟ ହିତାଧିକାରୀ ଆବେଦନ କରିବା ମାସରୁ ହିଁ ପେନସନ…

ଦାରିଙ୍ଗବାଡିରେ ପାରଦ ତଳମୁହାଁ: ଛୁଟୁଛି ପର୍ଯ୍ୟଟକଙ୍କ ସୁଅ

ଦାରିଙ୍ଗବାଡି, ୧୩।୧୧ (ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ଅଞ୍ଚଳରେ ଗତ ୨ ଦିନ ହେଲା ଶୀତର ପ୍ରକୋପ ବୃଦ୍ଧି ପାଉଛି। ପାରଦ ତଳମୁହାଁ ହୋଇ ଶୁକ୍ରବାର ସକାଳ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?