ପାଟନା,୨୯।୧: ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ସୁପ୍ରିମୋ ନୀତୀଶ କୁମାର ବୁଧବାର ଦଳର ଦୁଇ ବରିଷ୍ଠ ନେତାଙ୍କୁ ବହିଷ୍କୃତ କରିଛନ୍ତି। ଦଳ ବିରୋଧୀ କାର୍ଯ୍ୟ କରିବା ଅଭିଯୋଗରେ ଉପାଧ୍ୟକ୍ଷ ପ୍ରଶାନ୍ତ କିଶୋର ଓ ପଓ୍ବନ କୁମାର ବର୍ମାଙ୍କୁ ବହିଷ୍କାର କରିବା ସହ ଦଳର ସମସ୍ତ ଦାୟିତ୍ୱରୁ ମୁକ୍ତ କରିଛନ୍ତି। ସୂଚନାଯୋଗ୍ୟ, ଦିଲ୍ଲୀ ନିର୍ବାଚନରେ ଭାଜପା ସହ ଜେଡିୟୁର ମେଣ୍ଟକୁ ନେଇ ପଓ୍ବନ ପ୍ରଶ୍ନ ଉଠାଇଥିଲେ। ଅପରପକ୍ଷେ ନିର୍ବାଚନର ରଣନୀତିକାର ପ୍ରଶାନ୍ତ କିଶୋର ନାଗରିକତ୍ୱ ସଂଶୋଧନ ଆଇନ(ସିଏଏ), ଏନ୍ଆରସି ଓ ଏନ୍ପିଆର ପ୍ରସଙ୍ଗକୁ ନେଇ ଲଗାତର ଟୁଇଟ କରି ଚର୍ଚ୍ଚାକୁ ଆସିଥିଲେ। ମଙ୍ଗଳବାର ପାଟନାରେ ହୋଇଥିବା ଦଳୀୟ ବୈଠକରେ ନୀତୀଶ ପ୍ରଶାନ୍ତଙ୍କ ଟୁଇଟକୁ ନେଇ ପ୍ରଶ୍ନ ଉଠାଇଥିଲେ।
