ନୂଆଦିଲ୍ଲୀ,୧୪।୬: ମେ ୨୭ରେ ଅନୁଷ୍ଠିତ ହୋଇଥିବା ଯୁଗ୍ମ ପ୍ରବେଶିକା ପରୀକ୍ଷା (ଜେଇଇ) ଆଡଭାନ୍ସଡ ରେଜଲ୍ଟ ପ୍ରକାଶ ପାଇଛି। ଏଥିରେ ମହାରାଷ୍ଟ୍ରର କାର୍ତ୍ତିକେୟ ଗୁପ୍ତା ୩୬୦ରୁ ୩୩୭ ନମ୍ବର ରଖି ସର୍ବୋଚ୍ଚ ସ୍ଥାନରେ ଅଛନ୍ତି । ସୂଚନା ଅନୁଯାୟୀ, ଜେଇଇ ମେନ୍ ପରୀକ୍ଷାରେ କାର୍ତ୍ତିକେୟ ୧୮ତମ ର଼୍ୟାଙ୍କ ହାସଲ କରିଥିଲେ। ଚଳିତ ବର୍ଷ ଏଥିଲାଗି ମୋଟ ୧ ଲକ୍ଷ ୬୧ ହଜାର ୩୧୯ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ। ଏଥିମଧ୍ୟରୁ ମୋଟ ୩୮ ହଜାର ୭୦୫ ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି। କୃତକାର୍ଯ୍ୟ ହୋଇଥିବା ପରୀକ୍ଷାର୍ଥୀଙ୍କ ମଧ୍ୟରେ ୫, ୩୫୬ ଜଣ ଛାତ୍ରୀ ରହିଛନ୍ତି। ଛାତ୍ରୀଙ୍କ ମଧ୍ୟରୁ ତେଲେଙ୍ଗାନା ମଧପୁରର ଶବନମ ସାହୟ ୩୭୨ରୁ ୩୦୮ ନମୱର ରଖି ଟପ୍ପର ହୋଇଛନ୍ତି। କାର୍ତ୍ତିକେୟଙ୍କ ଘର ମହାରାଷ୍ଟ୍ରର ଚନ୍ଦ୍ରପୁର ଅଞ୍ଚଳରେ। ସେହିପରି ଦ୍ୱିତୀୟ ସ୍ଥାପରେ ରହିଛନ୍ତି ଆଲ୍ଲାହାବାଦର ହିମାଂଶୁ ସିଂହ ଏବଂ ତୃତୀୟ ସ୍ଥାନରେ ରହିଛନ୍ତି ଦିଲ୍ଲୀର ଅର୍ଚ୍ଚିତ ବୁବନା।
