ପୁରୀ ଅଫିସ, ୨୫।୫: ପୋଲିସ ମହାନିର୍ଦ୍ଦେଶକ ଅଭୟ ସୋମବାର ପୁରୀ ଗସ୍ତରେ ଯାଇ କରୋନା କଟକଣା ସମ୍ପର୍କରେ ବରିଷ୍ଠ ପୋଲିସ ଅଧିକାରୀଙ୍କ ସହ ଆଲୋଚନା କରିଛନ୍ତି। ସରକାରଙ୍କ ଗାଇଡ୍ଲାଇନ୍ ପୁରୀ ଜିଲାରେ କିଭଳି ଭାବେ ପାଳନ କରାଯାଉଛି, କରୋନା ସଚେତନତା ଦିଗରେ ପୋଲିସ କର୍ମଚାରୀମାନେ କି ପ୍ରକାର ସତର୍କତା ଅବଲମ୍ବନ କରୁଛନ୍ତି ଏହାର ସମୀକ୍ଷା କରିଛନ୍ତି। ଜିଲାର ସବୁ ଥାନାରେ ମାମଲାଗୁଡିକର ସ୍ଥିତି କ’ଣ ରହିଛି ତାହା ପଚାରି ବୁଝିବା ସହ ପୋଲିସ ବାରାକ ମଧ୍ୟ ବୁଲି ଦେଖିଛନ୍ତି।
ପୂର୍ବାହ୍ନରେ ଡିଆଇଜି ଆଶିଷ ସିଂହଙ୍କ ସହ ପୋଲିସ ମହାନିର୍ଦ୍ଦେଶକ ପୁରୀରେ ପହଞ୍ଚିଥିଲେ। ଏସ୍ପି ଅଫିସରେ ବରୀଷ୍ଠ ପୋଲିସ ଅଧିକାରୀଙ୍କୁ ନେଇ ଏକ ସମୀକ୍ଷା କରିଥିଲେ। ବୈଠକ ପରେ ଡିଜି କହିଥିଲେ ଯେ, ଲକ୍ଡାଉନ୍କୁ ନେଇ ରାଜ୍ୟ ସରକାରଙ୍କ ଯେଉଁସବୁ ଗାଇଡ୍ଲାଇନ୍ ରହିଛି ତାହାକୁ ପୋଲିସ କେତେଦୂର କାର୍ଯ୍ୟାକରି କରୁଛି ତାହା ସେ ଦେଖିବାକୁ ଆସିଛି।
