ଲଣ୍ଡନ,୭।୧୧: ପଳାତକ ଘୋଷିତ ନୀରବ ମୋଦି ଲଣ୍ଡନରେ କୋର୍ଟରେ ଇମୋସନାଲ୍ ଡ୍ରାମା କରିଛନ୍ତି। କୋର୍ଟରେ ତାଙ୍କର ଜାମିନ ଆବେଦନ ଖାରଜ ହେବାପରେ ସେ କହିଛନ୍ତି ଯେ, ଯଦି ମୋତେ ଭାରତକୁ ପ୍ରତ୍ୟର୍ପଣ କରାଯାଏ ତେବେ ମୁଁ ଆତ୍ମହତ୍ୟା କରିବି। ଓ୍ବେଷ୍ଟ ମିନଷ୍ଟର କୋର୍ଟରେ ଜାମିନର ଶୁଣାଣି ସମୟରେ ତାଙ୍କୁ ଜେଲ୍ରେ ୩ ଥର ମାଡ଼ ହୋଇଥିବା ସେ ଅଭିଯୋଗ କରିଥିଲେ। ଭାରତରେ ତାଙ୍କ ପ୍ରତି ନିରପେକ୍ଷ ବିଚାର କରାଯିବାର ଆଶା ନ ଥିବା ନୀରବ କହିଛନ୍ତି। ସୂଚନାଯୋଗ୍ୟ, ନୀରବଙ୍କୁ ପିଏନ୍ବି ଠକେଇ ମାମଲାରେ ମାର୍ଚ୍ଚ ୧୯ରେ ଗିରଫ କରାଯାଇଥିଲା। ଏବେ ସେ ଲଣ୍ଡନର ଦକ୍ଷିଣ-ପଶ୍ଚିମରେ ଥିବା ଓ୍ବେଣ୍ଡସ୍ଓ୍ବର୍ଥ ଜେଲ୍ରେ ରହିଛନ୍ତି। ଭାରତ ସରକାରଙ୍କ ଅନୁରୋଧ କ୍ରମେ ପ୍ରତ୍ୟର୍ପଣ ଓ୍ବାରେଣ୍ଟ୍ରେ ତାଙ୍କୁ ଗିରଫ କରାଯାଇଥିଲା।
