ବମ୍ବେ,୨୩।୬: ତିନି ମାସର ଗର୍ଭବତୀ ପତ୍ନୀ କୂଅକୁ ଡେଇଁ ଆତ୍ମହତ୍ୟା କରିବା ପରେ ଦୁଃଖରେ ମ୍ରିୟମାଣ ହୋଇପଡ଼ିଥିବା ସ୍ବାମୀ ସ୍ତ୍ରୀଙ୍କ ଜୁଇରେ ପଶିଯିବାକୁ ଉଦ୍ୟମ କରିଥିଲେ। ସେଠାରେ ଉପସ୍ଥିତ ଲୋକମାନେ ତାଙ୍କୁ ଜୁଇ ନିଆଁରୁ ବାହାର କରିବା ପରେ ସେ ଏକ କୂଅକୁ ଡେଇଁ ଆତ୍ମହତ୍ୟା କରିଛନ୍ତି। ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ମହାରାଷ୍ଟ୍ରର ଚନ୍ଦ୍ରପୁର ଜିଲାରେ ଘଟିଛି।
ଚନ୍ଦ୍ରପୁରର ଗୋଣ୍ଡିପୁର ତହସିଲର ଭଙ୍ଗରାମ ତୋଡି ଗ୍ରାମରେ ରୁହନ୍ତି କିଶୋର ଖଟିକ। ସେ ଲକ୍ଡାଉନ୍ ପୂର୍ବରୁ ଅର୍ଥାତ୍ ମାର୍ଚ୍ଚ ୧୯ ତାରିଖରେ ୨୦ ବର୍ଷୀୟ ରୁଚିତାଙ୍କୁ ବିବାହ କରିଥିଲେ। କିଶୋର ଚନ୍ଦ୍ରପୁରର ଆରଟିଓ କାର୍ଯ୍ୟାଳୟର ଡ୍ରାଇଭର ତାଲିମ କେନ୍ଦ୍ରରେ ଅସ୍ଥାୟୀ ଭାବରେ କାର୍ଯ୍ୟ କରୁଥିଲେ। ବିବାହ ପରେ ରୁଚିଟା ତିନିମାସ ଗର୍ଭବତୀ ହୋଇଥିଲେ ଏବଂ ସେ ଚାରି ଦିନ ପୂର୍ବରୁ ତାଙ୍କ ବାପଘର ଭଙ୍ଗରାମ ତଲୋଧିକୁ ଆସିଥିଲେ।
ରବିବାର ରୁଚିତା ଘର ବାହାରକୁ ଶୌଚ ପାଇଁ ଯାଇଥିଲେ। ହେଲେ ଅଧିକ ସମୟ ଧରି ନ ଫେରିବା ପରେ ଘରଲୋକେ ପରେ ତାଙ୍କୁ ଖୋଜିବା ଆରମ୍ଭ କଲେ କରିଥିଲେ। ଗାଁ ବାହାରେ ଥିବା ଏକ କୂଅ ନିକଟରେ ତାଙ୍କର ଚପଲ ଏବଂ କିଛି ଜିନିଷ ପଡ଼ିଥିବା ଦେଖାଯାଇଥିଲା। ପରିବାରଲୋକେ କିଛି ଅଘଟଣ ସନ୍ଦେହ କରି ପୋଲିସକୁ ଖବର ଦେଇଥିଲେ।
ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। ପରେ କୂଅରୁ ରୁଚିତାଙ୍କ ମୃତଦେହ ଉଦ୍ଧାର କରାଯାଇଥିଲା। ପୋଲିସ ଗ୍ରାମବାସୀଙ୍କ ସହାୟତାରେ ମୃତଦେହକୁ ବ୍ୟବଚ୍ଛେଦ ପାଇଁ ଚନ୍ଦ୍ରପୁର ଜିଲା ଡାକ୍ତରଖାନାକୁ ପଠାଇବା ସହ ରୁଚିତାଙ୍କ ଆତ୍ମହତ୍ୟା ପଛର କାରଣ କ’ଣ ତାହା ଅନୁଧ୍ୟାନ କରୁଛି।
ଅପରପକ୍ଷେ ବ୍ୟବଚ୍ଛେଦ ପରେ ସୋମବାର ତାଙ୍କର ଅନ୍ତିମ ସଂସ୍କାର କରାଯାଇଥିଲା। ଭଙ୍ଗରାମ ଟୋଡି ଗାଁର ଶବଦାହ ସ୍ଥଳରେ ରୁଚିତାଙ୍କ ଅନ୍ତିମ ସଂସ୍କାର କରି ପରିଜନ ଫେରିବା ସମୟରେ ହଠାତ୍ ରୁଚିତାଙ୍କ ସ୍ବାମୀ କିଶୋର ଦୌଡ଼ିଯାଇ ଜଳୁଥିବା ଜୁଇ ଉପରକୁ ଡେଇଁ ପଡ଼ିଥିଲେ। କିଶୋରଙ୍କ ଏହି କାର୍ଯ୍ୟ ଦେଖି ସେଠାରେ ଉପସ୍ଥିତ ପରିବାର ଏବଂ ଗ୍ରାମବାସୀ ଆଶ୍ଚର୍ଯ୍ୟ ହୋଇଯାଇଥିଲେ। ସେମାନେ କୌଣସି ପ୍ରକାରେ କିଶୋରଙ୍କୁ ଜଳୁଥିବା ଚିତାରୁ ବାହାର କରିଥିଲେ। ଏଥିରେ କିଶୋର ସାମାନ୍ୟ ପୋଡି ଯାଇଥିଲେ। ପରେ କିଶୋର ଲୋକମାନଙ୍କଠାରୁ ଧକ୍କା ଦେଇ କରି ନିକଟସ୍ଥ କୂଅକୁ ଡେଇଁପଡି ଆତ୍ମହତ୍ୟା କରିଦେଇଛନ୍ତି।
ଗୋଟିଏ ପଟେ ରୁଚିତାଙ୍କ ଆତ୍ମହତ୍ୟାର କାରଣ ଜଣାପଡ଼ି ନ ଥିବା ବେଳେ କିଶୋରଙ୍କ ମୃତ୍ୟୁ ପୋଲିସକୁ ଚକିତ କରିଛି। ପରିବାରଲୋକଙ୍କୁ ଏ ବିଷୟରେ ପଚରାଉଚରା କରାଯାଉଛି। ତେବେ କିଶୋର ରୁଚିତାଙ୍କୁ ବହୁତ ଭଲ ପାଉଥିଲେ। ତେଣୁ ସେ ତାଙ୍କ ପତ୍ନୀଙ୍କ ମୃତ୍ୟୁକୁ ସହି ପାରି ନ ଥିବା ଚର୍ଚ୍ଚା ହେଉଛି।
