ପଡ଼ା, ପୋଲିସକୁ ନାକେଦମ କଲେ ଯୁବକ: ଭୟରେ ଘର ଛାଡ଼ି ପଳାଇଲେ ପରିବାର ଲୋକେ
7:18 pmApril 12, 2020April 12, 2020 / 54

ସମ୍ବଲପୁର, ୧୨।୪ (ବ୍ୟୁରୋ)
ସମ୍ବଲପୁର ଜିଲା କ୍ଷେତରାଜପୁର ଥାନା ଅଞ୍ଚଳକୁ ଜଣେ ୩୫ ବର୍ଷିୟ ଯୁବକ ହାଇଦ୍ରାବାଦରୁ ଫେରିଛନ୍ତି । ଏହାକୁ ନେଇ ପଡାବାସୀଙ୍କ ସହ ପୋଲିସ ନାକେଦମ ହୋଇଛି। ସମ୍ପୃକ୍ତ ଯୁବକ ସରକାରଙ୍କ ନୀତି ନିୟମ ଓ କଟକଣା ପାଳନ କରୁ ନାହାନ୍ତି। ଶେଷରେ କରୋନା ଭୂତାଣୁ ସଂକ୍ରମଣ ଭୟରେ ତାଙ୍କ ସ୍ତ୍ରୀ, ପିଲାଛୁଆ ଓ ମା’ ଘର ଛାଡି ପଳାଇଛନ୍ତି ।
ହାଇଦ୍ରାବାଦରେ କାମ କରୁଥିବା ଏହି ଯୁବକ ଜଣକ ଗତ ଗୁରୁବାର ଘରକୁ ଫେରିଛନ୍ତି। ସାରା ଦେଶ ଲକ୍‌ ଡାଉନ ଥିବାବେଳେ ସେ ମାଲ୍‌ ପରିବହନ ଗାଡି ଯୋଗେ ଆସି ଘରେ ପହଞ୍ଚି ଥିଲେ । ଘରେ ପହଞ୍ଚତ୍ବା ପରେ ପରିବାର ଲୋକେ ତାଙ୍କୁ ଡାକ୍ତରୀ ଚିକିତ୍ସା କରାଇବା ପାଇଁ କହିଥିଲେ। ପରିବାର ଓ ପଡ଼ା ଲୋକେ କ୍ଷେତରାଜପୁର ଥାନା ଓ ସରକାରଙ୍କ ୧୦୪ ନମ୍ବରକୁ ଏ ବାବଦରେ ଅବଗତ ମଧ୍ୟ କରାଇଥିଲେ । ଖବର ପାଇ କ୍ଷେତରାଜପୁର ଥାନା ପୋଲିସ ଶୁକ୍ରବାର ପଡାରେ ପହଞ୍ଚତ୍ଥିଲା । ହେଲେ ପୋଲିସକୁ ଦେଖି ସେ ଦୌଡି ପଳାଇଥିଲେ । ପୋଲିସ ସହ ଲୁଚକାଳି ଖେଳି ନାକେଦମ କରିଥିଲେ । ପଡାବାସୀ ତାଙ୍କୁ ଚିକିତ୍ସା ପାଇଁ ଅନୁରୋଧ କରିବାରୁ ସେ ଓଲଟା ଧମକଚମକ ଦେଇଥିଲେ। ଶେଷରେ ସନ୍ଧ୍ୟାରେ ଡାକ୍ତରୀ ଟିମ୍‌ ପହଞ୍ଚତ୍ ତାଙ୍କ ସ୍ବାସ୍ଥ୍ୟ ପରୀକ୍ଷା କରି ଘରେ ସଙ୍ଗରୋଧରେ ରହିବାକୁ ପରାମର୍ଶ ଦେଇଥିଲେ । ହେଲେ ଯୁବକ ଜଣକ ପରିବାର, ଡାକ୍ତରୀ ଟିମ୍‌ ଓ ପଡାବାସୀଙ୍କ କୌଣସି କଥା ନ ଶୁଣି ଶନିବାର ଘରୁ ବାହାରି ବୁଲାବୁଲି କରିଥିଲେ। ଏଣୁ ଭୟରେ ପରିବାର ଲୋକେ ଘର ଛାଡି ପଳାଇଛନ୍ତି। ତେବେ ଏ ସମ୍ପର୍କରେ କ୍ଷେତରାଜପୁର ଥାନା ପୋଲିସ କିଛି ଜାଣି ନ ଥିବା କହିଛି।