ଓ୍ବାଶିଂଟନ,୭।୬: ଆମେରିକାରେ ପ୍ରଥମ ଥର ଲାଗି ଜଣେ ଶିଖ୍ ଯୁବକଙ୍କୁ ଧାର୍ମିକ ପ୍ରତିକ ଥାଇ ବାୟୁସେନାରେ ଭର୍ତ୍ତି ଲାଗି ଅନୁମତି ମିଳିଛି। ଓ୍ବାଶିଂଟନର ମୌକାର୍ଡ ଏୟାର ବେସ୍ରେ ଏୟାରମ୍ୟାନ ହରମନପ୍ରିତ ସିଂହ ବାଜଓ୍ବା ଏବେ ପଗଡି ଓ ଦାଢି ରଖି ବାୟୁସେନା ପାଇଁ କାମ କରିବେ। ସୂଚନାଯୋଗ୍ୟ, ହରମନପ୍ରିତ ୨୦୧୭ରେ ବାୟୁସେନାରେ ଯୋଗ ଦେଇଥିଲେ। ହେଲେ ମିଲିଟାରୀ ଡ୍ରେସ୍ କୋର୍ଡ ଥିବାରୁ ସେ କୌଣସି ଧାର୍ମିକ କାର୍ଯ୍ୟରେ ଯୋଗ ଦେଇ ପାରୁ ନ ଥିଲେ। ଆମେରିକାନ୍ ନ୍ୟୁଜ ଚ୍ୟାନେଲ ଏନ୍ବିସିର ସୂଚନା ଅନୁଯାୟୀ, ହରମନପ୍ରିତଙ୍କୁ ଶିଖ୍ ଆମେରିକାନ୍ ଭେଟେରାନ୍ ଆଲୋଏନ୍ସ ଏବଂ ଆମେରିକାନ୍ ସିଭିଲ୍ ଲିବର୍ଟିଜ୍ ୟୁନିୟନ୍ ସହୟତାରେ ତାଙ୍କୁ ଏହି ଅନୁମତି ମିଳିଛି। ଶେଷରେ ସେ ଧାର୍ମିକ ପ୍ରତିକ ସହ ଚାକିରି କରିବାର ସୁଯୋଗ ପାଇଛନ୍ତି।
