ବମ୍ବେ: ନୂଆବର୍ଷକୁ ରୋମାଣ୍ଟିକ୍ ଭାବେ ପାଳନ କରିଛନ୍ତି ଅନିଲ କପୁର ଲଳନା ସୋନମ୍ କପୁର। ସ୍ବାମୀ ଆନନ୍ଦ ଆହୁଜାଙ୍କ ସହ ସୁଦୂର ରୋମରେ ଏବେ ଛୁଟି କାଟୁଛନ୍ତି ସୋନମ। ଏହି ସମୟରେ ସେ ନୂଆ ବର୍ଷକୁ ସ୍ବାଗତ କରିଛନ୍ତି। ନିଜର ଇନ୍ଷ୍ଟା ପୃଷ୍ଠାରେ ପୁରୁଣା ବର୍ଷଯାକର ସ୍ମୃତିକୁ ମନେପକାଇ ସେ ଏକ ଭିଡିଓ ପୋଷ୍ଟ କରିଛନ୍ତି। ଭିଡିଓରେ ସେ ବରଫ ପାହାଡ଼ ଉପରେ ଆନନ୍ଦଙ୍କୁ କିସ୍ କରୁଥିବା ଦେଖାଯାଇଛି। କିଛି ଏଭଳି ଢଙ୍ଗରେ ୨୦୧୯କୁ ବିଦାୟ ଦେଇ ୨୦୨୦କୁ ସ୍ବାଗତ କରିଥିବାକୁ ନେଇ ପ୍ରଶଂସକ ତାଙ୍କୁ ଶୁଭେଚ୍ଛା ଜଣାଇବା ସହ ଉଭୟ ବେଶ୍ ସୁନ୍ଦର ଦେଖାଯାଉଥିବା କହିଛନ୍ତି। ।
ଭିଡିଓ ଶେୟାର କରିବା ସମୟରେ ସୋନମ୍ ଭାବବିହ୍ବଳ ହୋଇଥିବା ଦେଖିବାକୁ ମିଳିଛି। କ୍ୟାପ୍ଶନରେ ସେ ଲେଖିଛନ୍ତି, ଗତ ଦଶ ବର୍ଷ ମୋ ପାଇଁ ଖୁବ୍ ଭଲ ଥିଲା। ମୁଁ ଅନେକ ଭଲ ଫିଲ୍ମରେ କାମ କଲି। ଏହି ସମୟରେ ତମାମ ଜୀବନ ପାଇଁ ବନ୍ଧୁ ମିଳିଲେ। ମୁଁ ମୋ ପ୍ରେମିକ ଆନନ୍ଦଙ୍କୁ ଭେଟିଲି। ବିବାହ କଲି। ଏସବୁ ପାଇଁ ମୋ ପରିବାର, ବନ୍ଧୁଙ୍କୁ ଧନ୍ୟବାଦ। ଫିଲ୍ମ ଏବଂ ଫ୍ୟାଶନ ପାଇଁ ମଧ୍ୟ ଧନ୍ୟବାଦ।
