ବାଲିଆପାଳ, ୨୭।୭(ସ୍ବ.ପ୍ର.): ନାବାଳକଙ୍କ ମୃତ୍ୟୁକୁ ନେଇ ବାଲିଆପାଳ କମର୍ଦା ମୁଖ୍ୟରାସ୍ତା ଉଲୁଡ଼ା ଛକ ନିକଟରେ ଶନିବାର ସକାଳେ ରାସ୍ତା ଅବରୋଧ କରାଯାଇଛି। ମୃତଦେହ ନେଇ ଆସିଥିବା ଆମ୍ବୁଲାନ୍ସ ସହିତ ୨ଜଣ କନେଷ୍ଟବଳଙ୍କୁ ମଧ୍ୟ ଅଟକ ରଖିଛନ୍ତି ଆନ୍ଦୋଳନକାରୀ। ସୂଚନାଯୋଗ୍ୟ, ବାଲେଶର ଜିଲା ବାଲିଆପାଳ ଥାନା ଇଡକୋ ଛକ ସ୍ଥିତ ରାଜଧାନୀ ଢ଼ାବାରେ ଗୁରୁବାର ରାତିରେ ଜଣେ ନାବାଳକ କର୍ମଚାରୀ ଫାଶି ଲଗାଇ ଆତ୍ମହତ୍ୟା କରିଥିଲେ। ମୃତକ ହେଉଛନ୍ତି ଭୋଗରାଇ ବ୍ଲକ ଉଲୁଡା ଗଁ।ର ଦେବେନ୍ଦ୍ର ଦଳାଇଙ୍କର ପୁଅ ବିଜୟ ଦଳାଇ। ସେ ଦେଢ଼ ବର୍ଷରୁ ଊର୍ଦ୍ଧ୍ୱ ହେବ ଉକ୍ତ ଢାବାରେ କାମ କରିଆସୁଥିବା ବେଳେ ଏବେ ତାଙ୍କ ମୃତ୍ୟୁକୁ ନେଇ ପରିବାର ଓ ଗଁ।ଲୋକେ ସନ୍ଦେହ କରିଛନ୍ତି। ବିଜୟ ଫାଶି ଲଗାଇ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରିଛି ସେନେଇ ବ୍ୟବଚ୍ଛେଦ ରିପୋର୍ଟରୁ ଜଣାପଡ଼ିବ ବୋଲି ଆଶା କରାଯାଉଥିଲା। ହେଲେ ପରିବାର ଲୋକଙ୍କୁ ନ ଜଣାଇ ପୋଲିସ ଶୁକ୍ରବାର ରାତିରେ ବ୍ୟବଚ୍ଛେଦ କରାଇଥିବାରୁ ଏନେଇ ପରିବାର ଲୋକେ ଅସନ୍ତୋଷ ପ୍ରକାଶ କରିବା ସହ ରାଜରାସ୍ତାକୁ ଓହ୍ଲାଇଛନ୍ତି।
