ନଦୀରେ ଭାସିଯାଇ ଭାଉଜ, ଦିଅର ମୃତ
10:05 pmJune 16, 2020 / 53

ବୈପାରିଗୁଡା,୧୬ା୬(ଡି.ଏନ.ଏ.)-କୋରାପୁଟ ଜିଲା ବୈପାରିଗୁଡ଼ା ଥାନା ଅନ୍ତର୍ଗତ କଳାପଡ଼ା ଗ୍ରାମରେ ସୋମବାର ସନ୍ଧ୍ୟାରେ ଏକ ଦୁର୍ଘଟଣା ଘଟିଛି। ନଦୀ ପାର ହେଉଥିବା ବେଳେ ଜଣେ ମହିଳା ଓ ଜଣେ ପୁରୁଷ ନଦୀରେ ଭାସିଯିବାରୁ ସେମାନଙ୍କ ମୃତ୍ୟୁ ଘଟିଛି। ମୃତକ ହେଲେ ଜଲା ପରଜା(୫୩) ଏବଂ ଚେତି ପରଜା। ଉଭୟେ ଦିଅର ଭାଉଜ ବୋଲି ଜଣାପଡିଛି। ଚେତି ହେଉଛନ୍ତି ଜଲାଙ୍କ ଦିଅର। କୋଷାଗୁମୁଡାରେ ଥିବା ସେମାନଙ୍କ ଜଣେ ସମ୍ପର୍କୀୟଙ୍କ ମୃତ୍ୟୁ ହୋଇଥିବାରୁ ଉଭୟେ ସୋମବାର ସନ୍ଧ୍ୟାରେ ତାଙ୍କ ଦଶାହ କାର୍ଯ୍ୟରେ ଯୋଗଦେବାକୁ ଯାଉଥିଲେ। ବାଟରେ ପଡୁଥିବା କନିଆଯୋଡି ନଦୀ ପାର ହେଉଥିବା ବେଳେ ଜଲା ଓ ଚେତି ଉଭୟେ ଭାସି ଯାଇଥିଲେ। ଏହି ଖବର ଜଣାପଡିବା ପରେ କେତେଜଣ ବ୍ୟକ୍ତି ବୈପାରିଗୁଡ଼ା ଅଗ୍ନିଶମ ବିଭାଗକୁ ଖବର ଦେଇଥିଲେ। ସେଠାରୁ ଦମକଳବାହିନୀ ଆସି ଅନେକ ସମୟ ଧରି ଖୋଜାଖୋଜି କରିବା ପରେ ଉଭୟଙ୍କ ମୃତଦେହ ଉଦ୍ଧାର କରିଥିଲେ। ମଙ୍ଗଳବାର ବୈପାରିଗୁଡ଼ା ପୋଲିସ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଏନେଇ କେସ୍‌ ନଂ. ୧୧,୧୨/୨୦ରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି।