ବ୍ରହ୍ମପୁର ଅଫିସ୍,୧୬ା୯-କେବଳ ଋଷିକୁଲ୍ୟା ନୁହେଁ, ଗଞ୍ଜାମ ଜିଲାର ଅନ୍ୟାନ୍ୟ ନଦୀଗୁଡ଼ିକର ସୁରକ୍ଷା ଉପରେ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି। ମାଫିଆମାନେ ବେଧଡ଼କ ଭାବେ ନଦୀ ବାଲି ଚାଲାଣ କରୁଛନ୍ତି । କିନ୍ତୁ ପ୍ରଶାସନ ପକ୍ଷରୁ ଏହାକୁ ରୋକିବା ଦିଗରେ ପଦକ୍ଷେପ ନିଆଯାଉ ନାହିଁ ବୋଲି ଗଞ୍ଜାମ ଜିଲା ନଦୀ ସୁରକ୍ଷା ସମ୍ମିଳନୀରେ ମତପ୍ରକାଶ ପାଇଛି । ସ୍ଥାନୀୟ ସର୍କିଟ୍ ହାଉସ୍ରେ ଫୋରମ୍ ଫର୍ ଗଞ୍ଜାମ ସଂଯୋଜକ ସୁଧୀର କୁମାର ରାଉତଙ୍କ ଅଧ୍ୟକ୍ଷତାରେ ସମ୍ମିଳନୀ ଆୟୋଜିତ ହୋଇଥିଲା। ସମ୍ମିଳନୀ ଆରମ୍ଭ ପୂର୍ବରୁ ଗିରିରୋଡ୍ସ୍ଥିତ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା। ସେଠାରୁ ଏକ ସଚେତନତା ପଦଯାତ୍ରା ବାହାରି ସର୍କିଟ୍ ହାଉସ୍ରେ ପହଞ୍ଚିଥିଲା। ପରିବେଶ ଭିତ୍ତିକ ଲୋକକଳା ଦାସ କାଠିଆ ପରିବେଷଶ କରାଯାଇଥିଲା। ମହାନଦୀ ବଞ୍ଚାଅ ଆନ୍ଦୋଳନ ଆବାହକ ସୁଦର୍ଶନ ଦାସ, ସଂଯୋଜକ ବିଜୟ କୁମାର ପ୍ରଧାନ ଏବଂ ପ୍ରକାଶ ରଥ ଅତିଥି ଓ ବକ୍ତା ଭାବେ ଯୋଗ ଦେଇଥିଲେ। ପ୍ରାରମ୍ଭରେ ଇ.ଟି. ରାଓ ଅତିଥି ପରିଚୟ ପ୍ରଦାନ ସହ ସ୍ବାଗତ ଭାଷଣ ଦେଇଥିଲେ।
କର୍ମଶାଳା ସମ୍ପର୍କିତ ପ୍ରାରମ୍ଭିକ ସୂଚନା ଦେଇଥିଲେ ଶ୍ୟାମ ସୁନ୍ଦର ଖାଡ଼ଙ୍ଗା। ସୁଧୀର କୁମାର ରାଉତ ଋଷିକୁଲ୍ୟା ଏବଂ ବାହୁଦା ନଦୀର ଉତ୍ପତ୍ତିଠାରୁ ସଂଗମ ପର୍ଯ୍ୟନ୍ତ ବିବରଣୀ ପ୍ରଦାନ କରିଥିଲେ । କର୍ମଶାଳାରେ ଆର୍ଯ୍ୟଭଟ୍ଟ ଫାଉଣ୍ଡେଶନ୍, ଫୋରମ୍ ଫର୍ ଗଞ୍ଜାମ, ଚାମ୍ବର ଅଫ୍ କମର୍ସ, ହେତୁବାଦୀ ସଂଗଠନ, ମାନବ ଅଧିକାର ସୁରକ୍ଷା ମଞ୍ଚ, ଶିକ୍ଷକ ସଂଗଠନ, ସାହିତି୍ୟକ, କବି, କବୟିତ୍ରୀ, ଆଇନଜୀବୀ, ଯନ୍ତ୍ରୀ, ଚାଷୀ ପ୍ରମୁଖ ଯୋଗ ଦେଇଥିଲେ । ସ୍ଥାନୀୟ ଚାଷୀକୂୂଳ ଏବଂ ଅଧିବାସୀ ନଦୀ ସମସ୍ୟା ବର୍ଣ୍ଣନା କରିଥିଲେ। ନଦୀଗୁଡ଼ିକରେ ଶୋଷଣ, ପ୍ରଦୂଷଣ ଏବଂ ଅତିକ୍ରମଣ ମୁକ୍ତ କରାଯିବା ପାଇଁ ନିବେଦନ କରିଥିଲେ । ଆଲୋଚନାରେ ଇଂ. ଟି. ଗଣେଶ, ଇଂ. ପ୍ରଶାନ୍ତ ପାତ୍ର, ସାହିତି୍ୟକ ଚନ୍ଦ୍ରମଣୀ ସ୍ବାଇଁ, ପ୍ରଶାନ୍ତ ମୁନୀ, ଜାମୁଲା ସୁରେଶ, ଡା. ସାଗର ରଞ୍ଜନ ତ୍ରିପାଠୀ, ଭି.ସନ୍ତୋଷ, ବୃନ୍ଦାବନ ଖଟେଇ, ଶ୍ୟାମ ସୁନ୍ଦର ଦୋରା ଓ ବିଜୟ ପ୍ରଧାନ ପ୍ରମୁଖ ଭାଗ ନେଇଥିଲେ। ଜିଲାର ନଦୀ ସମ୍ପର୍କିତ ଏକ ପୁସ୍ତକ ଡ. ଚନ୍ଦ୍ରମଣୀ ସ୍ବାଇଁଙ୍କ ସମ୍ପାଦନାରେ ପ୍ରସ୍ତୁତ କରିବାକୁ ନିଷ୍ପତ୍ତି ନିଆଯାଇଥିଲା । ଗଞ୍ଜାମ ଜିଲା ନଦୀ ସୁରକ୍ଷା ମଞ୍ଚ ସ୍ଥାୟୀ କମିଟି ଆବାହକ ସୁଧୀର କୁମାର ରାଉତଙ୍କ ଅଧ୍ୟକ୍ଷତାରେ ଗଠନ କରିବାକୁ ଆଲୋଚନା ହୋଇଥିଲା। ନଭେମ୍ବର ୩୦ରେ ଭୁବନେଶ୍ୱରରେ ରାଜ୍ୟସ୍ତରୀୟ ନଦୀ ସମ୍ମିଳନୀରେ ଯୋଗ ଦେବାକୁ ନିଷ୍ପତ୍ତି ନିଆଯାଇଥିଲା। କାର୍ଯ୍ୟକ୍ରମକୁ ସୁଶାନ୍ତ ମହାନ୍ତି, ମନୋଜ ଡାକୁଆ, ଭୀମରାଜୁ ପାତ୍ର ଓ ଭୀମସେନ ସାହୁ ପ୍ରମୁଖ ପରିଚାଳନା କରିଥିଲେ। ଶେଷରେ ସ୍ବରାଜ୍ୟ ସୁବୁଦ୍ଧି ଧନ୍ୟବାଦ ଦେଇଥିଲେ ।
