ପଫ୍ ସ୍ଲିଭ୍ ଟ୍ରେଣ୍ଡର ପୁଣିଥରେ ପ୍ରତ୍ୟାବର୍ତ୍ତନ ହୋଇଛି। ତା’ହେଲେ ଆଉ ଡେରି କାହିଁକି। ଆପଣ ବି ଆପଣଙ୍କ ଓ୍ବାର୍ଡରୋବ୍କୁ ଅପ୍ଡେଟ୍ କରିବାରେ ଲାଗିପଡ଼ନ୍ତୁ ନା। କାରଣ ଏବେ ମାର୍କେଟ୍କୁ ଅନେକ ଭେରାଇଟିର ପଫ୍ ସ୍ଲିଭ୍ ଟପ୍ସ ଓ ଡ୍ରେସ୍ ଆସିଗଲାଣି, ଯାହାକୁ ପିନ୍ଧି ମଡର୍ନ ଲୁକ୍ ପାଇହେବ…
ପଫ୍ ସ୍ଲିଭ୍ର ଫ୍ୟାଶନ ମୁଖ୍ୟତଃ ବଙ୍ଗାଳୀ ମହିଳାଙ୍କ ଖୁବ୍ ପସନ୍ଦ। ସେମାନେ ଖାସ୍ କରି ବ୍ଲାଉଜରେ ଏହି ଡିଜାଇନ କରି ପିନ୍ଧିବାକୁ ଭଲ ପାଇଥାନ୍ତି। କିନ୍ତୁ ଏହି ଟ୍ରେଣ୍ଡ ଧୀରେ ଧୀରେ ଫ୍ୟାଶନ ଓ୍ବାଲର୍ଡକୁ ମଧ୍ୟ ପ୍ରବେଶ କଲାଣି, ଯେଉଁଥିପାଇଁ ମାର୍କେଟ୍ରେ ଏବେ ଅନେକ ଭେରାଇଟିର ପଫ୍ ସ୍ଲିଭ ଡ୍ରେସ୍ ଓ ଟପ୍ସ ମିଳିଲାଣି। ତା’ହେଲେ ଆଉ ଡେରି କାହିଁକି, ଆସନ୍ତୁ ଜାଣିବା ପଫ୍ ସ୍ଲିଭର କ’ଣ ସବୁ ଲାଟେଷ୍ଟ ଡିଜାଇନ୍ ରହିଛି…
ପଫ୍ ସ୍ଲିଭ୍ କ୍ରପ୍ ଟପ୍ସ: ଏହି ଟପ୍ସ ଟିକେ ବ୍ଲାଉଜ୍ ଡିଜାଇନ୍ ଭଳି ଦେଖାଯାଇଥାଏ। କିନ୍ତୁ ଏହାକୁ ହାଇ ଓ୍ବେଷ୍ଟ ଜିନ୍ସ ସହ ପେୟାର୍ କରି ପିନ୍ଧିଲେ ଷ୍ଟାଇଲିଶ୍ ଲୁକ୍ ମିଳିଥାଏ।
ଡିଲାଇଟ୍ ବଟନ୍ ଡାଉନ୍: ଏହା ଦେଖିବାକୁ ଏକ ସଲିଡ୍ କାଜୁଆଲ୍ ଶାର୍ଟ ପରି ହିଁ ଲାଗିଥାଏ। ସେହିପରି ଏଥିରେ ରାଉଣ୍ଡ କଲାର୍ ବି ଥାଏ। ମୁଖ୍ୟ କଥା ହେଉଛି, ଏଥିରେ ହୋଇଥିବା ପଫ୍ ସ୍ଲିଭ୍ ଡିଜାଇନ୍ ହିଁ ଏହି ଶାର୍ଟକୁ ଡିଫ୍ରେଣ୍ଟ ଲୁକ୍ ଦେଇଥାଏ, ଯାହାକୁ ଆପଣ ଚାହିଁଲେ ଓ୍ବାର୍କପ୍ଲେସ୍କୁ ମଧ୍ୟ ଆରାମରେ ପିନ୍ଧି ଯାଇପାରିବେ।
ପୋଲ୍କା ଡଟ୍ ପଫ୍ ଟପ୍ସ୍: ପୋଲ୍କା ଡଟ୍ର ଫ୍ୟାଶନ ସବୁବେଳେ ଚାଲିଥାଏ। ଆଉ ଖାସ୍ କରି ପଫ୍ ସ୍ଲିଭ୍ବାଲା ପୋଲକା ଡଟ୍ ଟପ୍ସକୁ୍ ମ୍ୟାଚିଂ ସ୍କର୍ଟ ସହ ପେୟାର୍ କରି ପିନ୍ଧିଲେ ଆଟ୍ରାକ୍ଟିଭ୍ ଲୁକ୍ ମିଳିଥାଏ। ତା’ସାଙ୍ଗକୁ ଯଦି ଗୋଟିଏ ଟ୍ରେଣ୍ଡି ବ୍ୟାଗ୍ ଓ ସନ୍ଗ୍ଲାସ୍ ହୋଇଗଲା ତା’ହେଲେ ତ ଲୁକ୍ ଆହୁରି ସୁନ୍ଦର ଦେଖାଯାଇଥାଏ।
ବୋଟ୍ ନେକ୍ବାଲା ପଫ୍ ଟପ୍ସ: ଯଦି ଆପଣଙ୍କୁ ଲାଟେଷ୍ଟ ଷ୍ଟାଇଲ୍ର ଟପ୍ସ ପିନ୍ଧିବା ପସନ୍ଦ, ତା’ହେଲେ ଏହି ଟପ୍ସକୁ ଚୟନ କରନ୍ତୁ। ଏହାର ଡିମାଣ୍ଡ ମାର୍କେଟ୍ରେ ଏବେ କାହିଁରେ କେତେ। କାରଣ ଏଥିରେ ହୋଇଥିବା ବୋଟ୍ ନେକ୍ ସହ ପଫ୍ ସ୍ଲିଭ୍ ଡିଜାଇନ୍ ଏହି ଟପ୍ସକୁ ମଡର୍ନ ଲୁକ୍ ଦେଇଥାଏ। ଏହି ଟପ୍ସ ବି ହାଇ ଓ୍ବେଷ୍ଟ ଜିନ୍ସ ସହ ପର୍ଫେକ୍ଟ ମ୍ୟାଚ୍ କରିଥାଏ।
ପଫ୍ ସ୍ଲିଭ୍ ଡ୍ରେସ୍: ଯଦି କୌଣସି ପୂଜାପାର୍ବଣକୁ ଯିବାର ଥାଏ, ତା’ହେଲେ ଆପଣ ଚାହିଁଲେ ପଫ୍ ସ୍ଲିଭ୍ ବାଲା ଲଙ୍ଗ୍ ଡ୍ରେସ୍ ଚୟନ କରିପାରିବେ। ହେଲେ ଧ୍ୟାନ ଦେବେ, ସେହି ଡ୍ରେସ୍ ଯେମିତି ବ୍ରାଇଟ୍ କଲର୍ର ନ ହୋଇ ଲାଇଟ୍ କଲର୍ର ହୋଇଥିବ।
ପଫ୍ ସ୍ଲିଭ୍ ଫ୍ରକ୍: ପଫ୍ ସ୍ଲିଭ୍ବାଲା ଫ୍ରକ୍ ବି ଟିକେ ଡିଫରେଣ୍ଟ ଲୁକ୍ ଦେଇଥାଏ। ଏହାକୁ ଯେକୌଣସି ଅକେଜନ୍ରେ ଆପଣ ଟ୍ରାଏ କରିପାରିବେ।
ପଫ୍ ସ୍ଲିଭ୍ କୁର୍ତ୍ତା: କୁର୍ତ୍ତାରେ ହୋଇଥିବା ପଫ୍ ସ୍ଲିଭ୍ର ଡିଜାଇନ୍ ବି ଟିକେ ଭିନ୍ନ ଲୁକ୍ ଦିଏ। ଖାସ୍ କରି ଏହାକୁ ପ୍ଲାଜୋ ସହିତ ପେୟାର୍ କଲେ ଭଲ ମାନିଥାଏ।
ପଫ୍ ସ୍ଲିଭ୍ ବ୍ଲାଉଜ୍: ଶେଷରେ ପଫ୍ ସ୍ଲିଭ୍ ବ୍ଲାଉଜ୍। ଏହା ବଙ୍ଗାଳୀ ମହିଳାମାନଙ୍କର ଖୁବ୍ ପସନ୍ଦ। ହେଲେ ଏବେ ଅନ୍ୟମାନେ ବି ଏହାକୁ ଟ୍ରାଏ କରୁଥିବା ଦେଖିବାକୁ ମିଳୁଛି। ଏ ଷ୍ଟାଇଲ୍ର ବ୍ଲାଉଜ୍ ସବୁ ଫାବ୍ରିକ୍ର ଶାଢ଼ି ସହ ବେଶ୍ ଭଲ ମାନିଥାଏ।
