ବଇଣ୍ଡା,୨୭ା୫(ଡି.ଏନ.ଏ.) – ଗୁଜରାଟରୁ ପ୍ରବାସୀଙ୍କୁ ନେଇ କଟକ ଆସୁଥିବା ସ୍ବତନ୍ତ୍ର ଶ୍ରମିକ ଏକ୍ସପ୍ରେସ୍ର ଚେନ୍ ପୁଲିଂ କରି ମଙ୍ଗଳବାର ସନ୍ଧ୍ୟାରେ ୧୮ଜଣ ଶ୍ରମିକ ଅନୁଗୋଳ ଜିଲା କିଶୋରନଗର ବ୍ଲକ ଜାମ୍ବୁନାଳୀଠାରେ ଓହ୍ଲାଇ ପଡ଼ିଛନ୍ତି। ଏ ସମ୍ପର୍କରେ ସ୍ଥାନୀୟ ଲୋକଙ୍କଠାରୁ ଖବରପାଇ ହଣ୍ଡପା, ବଇଣ୍ଡା ଥାନା ଓ ବଇଣ୍ଡା ରେଳବାଇ ପୋଲିସ ପହଞ୍ଚି ଶ୍ରମିକମାନଙ୍କୁ କାବୁ କରିଥିଲେ। ସେମାନଙ୍କ ମଧ୍ୟରୁ ଗାଁ ବଇଣ୍ଡା ସଙ୍ଗରୋଧ କେନ୍ଦ୍ରରେ ୧୦ ଜଣଙ୍କୁ ଏବଂ ଲୁହାମୁଣ୍ଡା ସଙ୍ଗରୋଧ କେନ୍ଦ୍ରରେ ୮ ଜଣଙ୍କୁ ରଖାଯାଇଛି। ସମସ୍ତ ପ୍ରବାସୀ ଆଠମଲ୍ଲିକ ଓ କିଶୋରନଗର ବ୍ଲକ ଅଞ୍ଚଳର ହୋଇଥିବା ବେଳେ ସେମାନେ ମହାରାଷ୍ଟ୍ରରୁ ଆସିଥିବା କହିଛନ୍ତି। ଜାମ୍ବୁନାଳୀ ନିକଟରେ ଟ୍ରେନ୍ଟି ଏକ ଗାଈକୁ ଧକ୍କା ଦେବା ପରେ ଶ୍ରମିକମାନେ ଚେନ୍ ଟାଣି ଟ୍ରେନ୍ରୁ ଓହ୍ଲାଇ ପଡ଼ିଥିଲେ।
