ଛତ୍ରପୁର, ୧୧।୫(ଡି.ଏନ୍.ଏ.): ଚେନ୍ନାଇ ଓ ସୁରଟରୁ ଗୋଟିଏ ଲେଖାଏ ଟ୍ରେନ ଆସି ସୋମବାର ଗଞ୍ଜାମ ଜିଲା ଜଗନ୍ନାଥପୁର ଷ୍ଟେଶନରେ ପହଞ୍ଚିଛି। ଏଥିରେ ମୋଟ ୨୩୫୦ ଜଣ ପ୍ରବାସୀ ଓଡିଶା ଫେରିଛନ୍ତି। ସକାଳ ପ୍ରାୟ ୮ ଟା ୨୪ରେ ଚେନ୍ନାଇରୁ ଏକ ଟ୍ରେନ ୧୦୫୪ ପ୍ରବାସୀ ଓଡ଼ିଆଙ୍କୁ ନେଇ ଜଗନ୍ନାଥପୁର ଜଙ୍କ୍ସନ ଷ୍ଟେଶନରେ ପହଞ୍ଚିଥିଲା। ଏଥିରେ ଗଞ୍ଜାମ ଜିଲାର ୬୭୨ ଜଣ ଏବଂ ଅନ୍ୟ ୨୭ ଟି ଜିଲାର ପ୍ରବାସୀ ରହିଛନ୍ତି। ସେହିପରି ପୂର୍ବାହ୍ନ ୧୦ ଟା ୩୯ରେ ସୁରଟରୁ ଏକ ଟ୍ରେନ ୧୨୯୬ ପ୍ରବାସୀଙ୍କୁ ନେଇ ଜଗନ୍ନାଥପୁର ଜଙ୍କ୍ସନ ଷ୍ଟେଶନରେ ପହଞ୍ଚିଥିଲା ଏଥିରେ ଗଞ୍ଜାମ ଜିଲାର ୧୨୯୦, କନ୍ଧମାଳ ଜିଲାର ୪, ଖୋର୍ଦ୍ଧାର ୨ ଜଣ ରହଛନ୍ତି। ଥର୍ମାଲ ସ୍କ୍ରିନିଂ ପରେ ସେମାନଙ୍କୁ ବସ୍ ଯୋଗେ ନିଜ ନିଜ ଅଞ୍ଚଳର କ୍ୱାରାଣ୍ଟାଇନ ସେଣ୍ଟରକୁ ପଠାଯାଇଛି। ସୋମବାର ସୁରଟରୁ ଆଉ ୨ଟି ଟ୍ରେନ ପ୍ରବାସୀ ଓଡ଼ିଆଙ୍କୁ ନେଇ ଆସିବ ବୋଲି ସୂଚନା ମିଳିଛି ।
