Odisha Elections 2024

ଚର୍ଚ୍ଚାରେ ରାଜ୍ୟ ସଭା ଲଢ଼େଇ

ଭୁବନେଶ୍ୱର,୨୬।୨(ବ୍ୟୁରୋ): ଓଡିଶାର ୩ଟି ରାଜ୍ୟ ସଭା ଆସନ ଏପ୍ରିଲ ୨ତାରିଖରେ ଖାଲି ହେବାକୁ ଥିବାବେଳେ ଗୋଟିଏ ଆସନ ୨୦୧୯ ସାଧାରଣ ନିର୍ବାଚନ ଫଳାଫଳ ବାହାରିବା ପରଠାରୁ ଖାଲି ପଡିଛି। କଂଗ୍ରେସ ଏମ୍‌ପି ରଞ୍ଜୀବ ବିଶ୍ୱାଳ, ବିଜେଡିର ନରେନ୍ଦ୍ର କୁମାର ସ୍ବାଇଁ ଏବଂ ସରୋଜିନୀ ହେମ୍ବ୍ରମଙ୍କ କାର୍ଯ୍ୟକାଳ ଏପ୍ରିଲ ୨ରେ ଶେଷ ହେଉଛି। ରାଜ୍ୟ ସଭାରେ ଏମ୍‌ପି ଥିବା ଅନୁଭବ ମହାନ୍ତି କେନ୍ଦ୍ରାପଡା ଲୋକ ସଭା ଆସନରୁ ଏମ୍‌ପି ଭାବେ ବିଜୟୀ ହେବା ପରେ ତାଙ୍କ ପୂର୍ବ ପଦବୀରୁ ଇସ୍ତଫା ଦେଇସାରିଛନ୍ତି। ହେଲେ ରାଜ୍ୟ ସଭାରେ ତାଙ୍କର କାର୍ଯ୍ୟକାଳ ୧ ବର୍ଷରୁ କମ୍‌ ସମୟ ଥିବା ଯୋଗୁ ସେହି ଆସନରେ ଉପନିର୍ବାଚନ କରାଯାଇନାହିଁ। ଅର୍ଥାତ୍‌ ଏହି ଆସନରେ ମଧ୍ୟ ଆସନ୍ତା ମାସ ୨୬ରେ ନିର୍ବାଚନ ହେବ ବୋଲି ଭାରତ ନିର୍ବାଚନ କମିଶନ ମଙ୍ଗଳବାର ଘୋଷଣା କରିଛନ୍ତି। କେବଳ ଓଡିଶା ନୁହେଁ ବରଂ ଦେଶର ୧୭ଟି ରାଜ୍ୟର ମୋଟ ୫୫ଟି ରାଜ୍ୟ ସଭା ଆସନ ଲାଗି ନିର୍ବାଚନ ହେବ। ତେବେ କେବଳ ଓଡିଶା କଥା ଦେଖିଲେ ସମସ୍ତ ୪ଟି ଯାକ ଆସନରେ ବିଜେଡି ଛଡା ଅନ୍ୟ କେଉଁ ଦଳ ସପକ୍ଷରେ ଯିବା ସହଜ କଥା ନୁହେଁ। ୩ଟି ଆସନ ବିଜେଡି ବିନା ପ୍ରତିଦ୍ୱନ୍ଦ୍ୱିତାରେ ନେବା ଲାଗି ସକ୍ଷମ ଥିବାବେଳେ ଗୋଟିଏ ଆସନକୁ ନେଇ ଚର୍ଚ୍ଚା ଜୋର୍‌ ଧରିଛି। ତେବେ ଗତଥର ଓଡିଶାରେ ଖାଲି ହୋଇଥିବା ୩ଟି ରାଜ୍ୟ ସଭା ଆସନ ମଧ୍ୟରୁ ଗୋଟିଏରେ ବିଜେଡି ପ୍ରାର୍ଥୀ ନ ଦେଇ ଭାଜପାକୁ ଛାଡିଥିଲା। ତେଣୁ ଏଥର ସେଭଳି ପରିସ୍ଥିତି ସୃଷ୍ଟି ହେବ ବୋଲି ଚର୍ଚ୍ଚା ଜୋର୍‌ ଧରିଥିବା ବେଳେ କ’ଣ ହେବ ସେନେଇ ସ୍ପଷ୍ଟ ସୂଚନା ମିଳିନାହିଁ। ଅନ୍ୟପଟେ ରାଜ୍ୟ ସଭାରେ ଭାଜପା ସଂଖ୍ୟାଲଘୁ ଥିବାବେଳେ ବିଭିନ୍ନ ପ୍ରସଙ୍ଗରେ ଅନ୍ୟ କ୍ଷୁଦ୍ର ଦଳ ଠାରୁ ସମର୍ଥନ ମାଗିବାକୁ ବାଧ୍ୟ ହେଉଛି। ତେଣୁ ରାଜ୍ୟ ସଭାରେ ନିଜର ଆସନ ବୃଦ୍ଧି କରିବା ଭାଜପା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏଭଳି ସ୍ଥିତିରେ ବିଧାନ ପରିଷଦ ବିଲ୍‌ କେନ୍ଦ୍ର ସରକାର ଏ ପର୍ଯ୍ୟନ୍ତ ପାସ୍‌ କରାଇ ନାହାନ୍ତି। ଓଡିଶାର ୪ଟି ରାଜ୍ୟ ସଭା ଆସନ ମଧ୍ୟରୁ ଯଦି କେତୋଟି ଭାଜପା ନେବାକୁ ଇଚ୍ଛା କରିବ ତେବେ ସେମାନଙ୍କୁ ପ୍ରଥମେ ବିଧାନ ପରିଷଦ ବିଲ୍‌ ପାସ୍‌ କରାଇବାକୁ ପଡିବ ବୋଲି କୁହାଯାଉଛି। ତେବେ ଏପରି ସ୍ଥିତିରେ ଆସନ୍ତା ୨୮ତାରିଖରେ ପୂର୍ବାଞ୍ଚଳ ରାଜ୍ୟ ବୈଠକରେ ଯୋଗଦେବାକୁ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଓଡିଶା ଆସୁଛନ୍ତି। ଏହି ଅବସରରେ ସେ ରାଜ୍ୟ ସଭା ଆସନ ବୁଝାମଣା ସମ୍ପର୍କରେ ଆଲୋଚନା କରିବାର ଯଥେଷ୍ଟ ସମ୍ଭାବନା ଥିବା କୁହାଯାଉଛି। ମାତ୍ର ରାଜ୍ୟ ସଭା ନିର୍ବାଚନ ତାରିଖ ଘୋଷଣା ହେବାପରେ ଆସନ ବୁଝାମଣା ସମ୍ପର୍କରେ ନ ଉଠି କିଏ କେତୋଟି ଆସନ ହାତେଇବ ତାକୁ ନେଇ ଆଲୋଚନା ହେବାରେ ଲାଗିଛି।
ସଂଖ୍ୟା କ୍ଷେତ୍ରରୁ ଦେଖିଲେ ବିଧାନସଭାରେ ଶାସକ ବିଜେଡି ସଦସ୍ୟଙ୍କ ସଂଖ୍ୟା ୧୧୩ ଥିବାବେଳେ ଭାଜପାର ୨୩, କଂଗ୍ରେସ ୯, ସିପିଆଇ ୧ ଏବଂ ସ୍ବାଧୀନ ୧ ଅଛନ୍ତି। ରାଜ୍ୟ ସଭା ନିର୍ବାଚନରେ ଜଣେ ପ୍ରାର୍ଥୀଙ୍କୁ ଜିତିବା ପାଇଁ ୩୦ଟି ଲେଖାଏ ଭୋଟର ଆବଶ୍ୟକତା ଅଛି। ଅର୍ଥାତ୍‌ ଖାଲି ହେବାକୁ ଥିବା ୪ଟି ଆସନରୁ ବିଜେଡି ସହଜରେ ୩ଟି ହାତେଇ ନେବ। ସେହିପରି ଶେଷ ଗୋଟିଏ ଆସନ ପାଇଁ କୌଣସି ଦଳ ପାଖରେ ୩୦ଟି ଭୋଟ ନାହିଁ। ବିଜେଡି ଏବଂ ଭାଜପା ପାଖରେ ଶେଷ ରାଜ୍ୟ ସଭା ଆସନ ପାଇଁ ସମାନ ସମାନ ୨୩ଟି ଲେଖାଏ ଭୋଟ ଥିବାବେଳେ ସିପିଆଇ ଏବଂ ସ୍ବାଧୀନ ବିଧାୟକଙ୍କ ଭୋଟ ବିଜେଡି ସପକ୍ଷରେ ରହିବାର ଯଥେଷ୍ଟ ସମ୍ଭାବନା ଅଛି। ତେଣୁ ଏଭଳି ସ୍ଥିତିରେ ଭାଜପା କିନ୍ତୁ ଗୋଟିଏ ଆସନ ନେବ ବୋଲି ଆଶା ରଖିଥିବା ଜଣାପଡିଛି।
ରାଜ୍ୟ ସଭା ନିର୍ବାଚନ ତାରିଖ ଘୋଷଣାକୁ ନେଇ ବିଜେଡି ନେତା ସମୀର ରଞ୍ଜନ ଦାଶ କହିଛନ୍ତି ଯେ, ଠିକ୍‌ ସମୟରେ ଦଳ ଉଚିତ୍‌ ନିଷ୍ପତ୍ତି ନେବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ନିଷ୍ପତ୍ତି ନିଅନ୍ତି ତାକୁ ସମସ୍ତେ ମାନିବେ ବୋଲି ସମୀର କହିଛନ୍ତି। କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି, ଯଦି ବାମ ଦଳ ରାଜି ହୁଏ ଆମେ ନାମାଙ୍କନ ପତ୍ର ଭରିବୁ। କିନ୍ତୁ ଦଳ ଉପରେ ନିର୍ଭର କରେନିଷ୍ପତ୍ତି ନେବ ଆମେ ନାମାଙ୍କନ ଭରିବୁ ନା ନାହିଁ। କାରଣ ଆମେ ପ୍ରାର୍ଥୀ ଦେଲେ ମଧ୍ୟ ହାରିବା ସୁନିଶ୍ଚିତ ବୋଲି ମିଶ୍ର କହିଛନ୍ତି। ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକ କହିଛନ୍ତି ଯେ, ଆମେ ଲଢିବା ନିଶ୍ଚିତ। ଯଦି ସମର୍ଥନ ମିଳେ ତେବେ ଜିତିବୁ। ଲଢେଇ କରିବା ଆମର ପରମ ଧର୍ମ। ତେବେ ସେନେଇ ଏବେଠାରୁ ଅଧିକ ଆଲୋଚନା ବା ଆକଳନ କରିବା ସହଜ ନୁହେଁ ବୋଲି ନାଏକ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଜେଡି-ଭାଜପା କର୍ମୀ ଗଣ୍ଡଗୋଳ: ୪ ଗିରଫ

ରାଉରକେଲା, ୧୯ା୫(ସଙ୍ଗୀତା ଜେନା): ରଘୁନାଥପାଲି ଥାନା ଅନ୍ତର୍ଗତ ଗଙ୍ଗାଧରପାଲି ବସ୍ତି ଅଞ୍ଚଳରେ ହୋଇଥିବା ବିଜେଡି ଓ ଭାଜପା ଗଣ୍ଡଗୋଳ ମାମଲାରେ ରବିବାର ପୋଲିସ ୨ଟି ପୃଥକ...

ଶାଢ଼ି ବାଣ୍ଟି ଧରାପଡ଼ିଲେ ୨ଯୁବକ

ବରଗଡ଼,୧୯।୫(ପ୍ରେମାନନ୍ଦ ଖମାରୀ): ବରଗଡ଼ ଜିଲାରେ ସୋମବାର ସାଧାରଣ ନିର୍ବାଚନ ପାଇଁ ଭୋଟ୍‌ ଗ୍ରହଣ ହେବ। ତେବେ ଭୋଟରଙ୍କୁ ନିଜ ସପକ୍ଷକୁ ଟାଣିବା ପାଇଁ ମତଦାନ ପୂର୍ବରୁ...

କାଳବୈଶାଖୀ ପ୍ରଭାବରେ ପ୍ରବଳ ବର୍ଷା, ବଜ୍ରପାତରେ…

ଆସିକା,୧୯ା୫(ସୁରେନ୍ଦ୍ର ନାଥ ସାହୁ): ଗଞ୍ଜାମ ଜିଳା କୋଟିନଡା ଥାନା ଅନ୍ତର୍ଗତ ହୁମୁକି ଗ୍ରାମରେ ରବିବାର ଅପରାହ୍ନରେ କାଳବୈଶାଖୀ ପ୍ରଭାବରେ ପ୍ରବଳ ବର୍ଷା ସହ ବଜ୍ରପାତ ହୋଇଥିଲା।...

ଗରମ ପେଜ ପଡ଼ି ପୋଲିଂ କର୍ମଚାରୀ ଆହତ

ଆସିକା/ଧରାକୋଟ,୧୯ା୫(ସୁରେନ୍ଦ୍ର ନାଥ ସାହୁ/ବିଷ୍ଣୁ କେଶରୀ ଆଚାର୍ଯ୍ୟ): ଗଞ୍ଜାମ ଜିଲା ଧରାକୋଟ ବ୍ଲକ ଅଧୀନ ମଛାକୋଟ ପଞ୍ଚାୟତର ମଥୁରା ପଦନାପୁର ଗ୍ରାମର ଏକ ବୁଥରେ ଅଘଟଣ ଘଟିଛି।...

ଗାଁକୁ ଗାଁ ବୁଲି ଭୋଟ ଭିକ୍ଷା କଲେ ସୂର୍ଯ୍ୟବଂଶୀ

ଧାମନଗର,୧୯।୫(ଦେବେନ୍ଦ୍ର ଆନ୍ଦିଆ)-ଧାମନଗର ବିଧାନସଭା ଆସନ ପାଇଁ ଦ୍ୱିତୀୟ ଥର ପାଇଁ ପ୍ରତିଦ୍ୱନ୍ଦ୍ୱିତା କରୁଥିବା ଭାଜପା ପ୍ରାର୍ଥୀ ସୂର୍ଯ୍ୟବଂଶୀ ସୂରଜ ଅସୁରାଳି ଜୋନ୍‌ରେ ନିର୍ବାଚନ ପ୍ରଚାରକୁ ଜୋରଦାର...

ବିଜେଡି ନିର୍ବାଚନୀ ସଭାରେ ବିଡିଓଙ୍କ ଉପସ୍ଥିତି : ଅଭିଯୋଗ ଆଣିଲା ବିରୋଧୀ

ହାଟଡିହୀ,୧୯।୫(ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ବିଧାନସଭା କ୍ଷେତ୍ର ହାଟଡିହୀ ବ୍ଲକ ଛେନାପଦୀଠାରେ ରବିବାର ବିଜେଡି ପକ୍ଷରୁ ଏକ ନିର୍ବାଚନୀ ସଭା ଅନୁଷ୍ଠିତ ହୋଇଥିଲା। ମୁଖ୍ୟମନ୍ତ୍ରୀ...

ଭୁବନେଶ୍ୱରରେ ମୋଦି, ରାଜ୍ୟ ଭାଜପା କାର୍ଯ୍ୟାଳୟରେ ଗୁରୁତ୍ୱପୂର୍ଣ୍ଣ ବୈଠକ

ଭୁବନେଶ୍ୱର,୧୯।୫: ଓଡ଼ିଶାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ ବାୟୁସେନାର ସ୍ବତନ୍ତ୍ର ବିମାନରେ ଦୁଇଦିନିଆ ଓଡ଼ିଶା ଗସ୍ତରେ ଆସି ରବିବାର ପହଞ୍ଚିଛନ୍ତି। ପ୍ରଥମେ ସେ ଦଳୀୟ କର୍ମୀଙ୍କ...

“ଯଦି ସୁଯୋଗ ମିଳେ, ମନା କରିବି ନାହିଁ”: ମୁଖ୍ୟମନ୍ତ୍ରୀ ପ୍ରାର୍ଥୀ ନେଇ ଜୁଏଲ ଓରାମଙ୍କ ବୟାନ

ଭୁବନେଶ୍ୱର,୧୯ା୫: ଓଡ଼ିଶାରେ ଭାଜପାର ମୁଖ୍ୟମନ୍ତ୍ରୀ ପ୍ରାର୍ଥୀ କିଏ ହେବ ତାକୁ ନେଇ କଳ୍ପନା ଜଳ୍ପନା ଚାଲିଥିବା ବେଳେ ସୁନ୍ଦରଗଡ଼ ଏମପି ତଥା ଭାଜପାର ଲୋକ ସଭା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri