ଅକ୍ଲାଣ୍ଡ,୩୦।୧୦:ନ୍ୟୁଜିଲାଣ୍ଡର ଘରୋଇ କ୍ରିକେଟ ଟୁର୍ନାମେଣ୍ଟରେ ଓ୍ବେଲିଂଣ୍ଟନ ଫାୟାରବାର୍ଡସ ଏବଂ କେଣ୍ଟରବରି ମଧ୍ୟରେ ମଙ୍ଗଳବାର ମ୍ୟାଚ୍ ଖେଳାଯାଇଥିଲା। ଏହି ମ୍ୟାଚରେ ଓ୍ବେଲିଂଣ୍ଟନ ଟିମ୍ ଏକାଦଶରେ ସାମିଲ ହୋଇଥିଲେ ମାଇକେଲ ସ୍ନେଡେନ। ୨୨ ବର୍ଷୀୟ ମାଇକେଲଙ୍କ ଏହା ପ୍ରଥମ ଫାଷ୍ଟ କ୍ଲାସ ମ୍ୟାଚ୍। ସେ ସ୍ନେଡେନ ପରିବାରର ଚତୁର୍ଥ ପିଢି କ୍ରିକେଟର ଭାବେ ଇତିହାସ ରଚିଛନ୍ତି। ତାଙ୍କ ପିତା ମାର୍ଟିନ ସ୍ନେଡେନ(୧୯୭୭-୭୮ରୁ ୧୯୮୯-୯୦), ଜେଜେ ଓ୍ବାରଓ୍ବିକ୍ ସ୍ନେଡେନ(୧୯୪୬-୪୭) ଏବଂ ଅଣଜେଜେ ନେସି ସ୍ନେଡେନ(୧୯୦୯-୧୦ରୁ ୧୯୨୭-୨୮) ନ୍ୟୁଜିଲାଣ୍ଡର ଅକଲାଣ୍ଡ ଟିମ୍ ପକ୍ଷରୁ ପ୍ରଥମ ଶ୍ରେଣୀ କ୍ରିକେଟ ଖେଳିଥିଲେ। ସ୍ନେଡେନ ପରିବାରର ୬ଷ୍ଠ ସଦସ୍ୟ ଭାବେ ମାଇକେଲ କ୍ରିକେଟ ଖେଳୁଛନ୍ତି।
