କେନ୍ଦୁଝର, ୨୫ା୧୨(ଡି.ଏନ୍.ଏ.)-କେନ୍ଦୁଝର କାଳୀପଡିଆଠାରେ ‘ଗୋନାସିକା କେନ୍ଦୁଝର ମହୋତ୍ସବ’ ମଙ୍ଗଳବାର ସନ୍ଧ୍ୟାରେ ଉଦ୍ଯାପିତ ହୋଇଛି। ମେଳା ପରିସରରେ ଅନୁଷ୍ଠିତ ‘ଜାତୀୟସ୍ତରୀୟ ପଲ୍ଲିଶ୍ରୀ ମେଳା-୨୦୧୯’ ଆସନ୍ତା ୨୬ ତାରିଖ ପର୍ଯ୍ୟନ୍ତ ଚାଲିବ। ବିଭିନ୍ନ ଅଞ୍ଚଳରୁ ଆସିଥିବା ଶିଳ୍ପୀ ଓ କଳାକାରଙ୍କ ମଧ୍ୟରେ ଭାବ ବିନିମୟ ସାଙ୍ଗକୁ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଦର୍ଶକଙ୍କ ମନ ମୋହିଥିଲା। ବିକାଶର ବାର୍ତ୍ତା ଦେଇ ଆୟୋଜିତ ଏହି ସମାରୋହର ଉଦ୍ଯାପନୀ ଉତ୍ସବରେ ଅଧ୍ୟକ୍ଷତା କରିଥିଲେ ଜିଲାପାଳ ଆଶିଷ ଥାକ୍ରେ। ଓଡିଶା ସରକାରଙ୍କ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ମନ୍ତ୍ରୀ ପ୍ରେମାନନ୍ଦ ନାୟକ ମୁଖ୍ୟଅତିଥି ଭାବରେ ଯୋଗଦେଇଥିଲେ। ସେ ତାଙ୍କ ବକ୍ତବ୍ୟରେ କଳା, ସଂସ୍କୃତି, ବୈଶିଷ୍ଟ୍ୟ ଉପରେ ଆଲୋକପାତ କରି ଜିଲାର ଦୁର୍ଗମ ଅଞ୍ଚଳରେ ବସବାସ କରୁଥିବା ଅଧିବାସୀମାନଙ୍କର ସାମଗ୍ରିକ ବିକାଶ ଉପରେ ଗୁରୁତ୍ୱ ଦେଇଥିଲେ। କେନ୍ଦୁଝର ସଦର ବିଧାୟକ ମୋହନ ଚରଣ ମାଝୀ ସମ୍ମାନନୀୟ ଅତିଥି ଭାବେ ଯୋଗଦେଇ କହିଥିଲେ, ଗୋନାସିକା-କେନ୍ଦୁଝର ମହୋତ୍ସବ ଜିଲାର କଳା, ସାହିତ୍ୟ, ସଂସ୍କୃତି ଓ ବିକାଶର ଦର୍ପଣ ସ୍ବରୂପ। ଆଗାମୀ ଦିନରେ ଏହାକୁ ଅଧିକ ବ୍ୟାପକ କରିବାଲାଗି ଉଦ୍ୟମ କରାଯିବ। ଅନ୍ୟତମ ସମ୍ମାନୀତ ଅତିଥି ଭାବେ ଚମ୍ପୁଆ ବିଧାୟକ ମିନାକ୍ଷୀ ମହାନ୍ତ ଏଭଳି ମହୋତ୍ସବ କଳାକାରମାନଙ୍କୁ ଉସତ୍ାହ ପ୍ରଦାନ କରିଛି ବୋଲି କହିଥିଲେ। ଜିଲା ପରିଷଦ ଅଧ୍ୟକ୍ଷା କମଳିନୀ ପାତ୍ର ପ୍ରାରମ୍ଭିକ ଭାଷଣ ଦେଇଥିଲେ। ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଉଦ୍ଧବ ଚନ୍ଦ୍ର ମାଝୀ ତାଙ୍କ ବକ୍ତବ୍ୟରେ ଜାତୀୟସ୍ତରୀୟ ପଲ୍ଲିଶ୍ରୀ ମେଳା ପାଇଁ ଯେଉଁ ଲକ୍ଷ୍ୟଧାର୍ଯ୍ୟ ହୋଇଥିଲା ତାହା ସଫଳ ହୋଇଥିବା ଦର୍ଶାଇଥିଲେ। ସ୍ଥାନୀୟ,ଜାତୀୟ ଓ ପ୍ରାଦେଶିକ ଶିଳ୍ପୀମାନେ ମହୋସତ୍ବରେ ଯୋଗଦେଇ ଏହାକୁ ସଫଳ କରିଥିବାରୁ ସେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ସଞ୍ଜୀବ ବାରିକ ଉଦ୍ଯାପନୀ ଉସତ୍ବର କାର୍ଯ୍ୟକ୍ରମରେ ସଂଯୋଜନା କରିଥିଲେ। ଜିଲା ସଂସ୍କୃତି ଅଧିକାରୀ ନଳିନୀକାନ୍ତ ସାହୁ ଶେଷରେ ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ଓଡିଶାର ଲବ୍ଧ ପ୍ରତିଷ୍ଠିତ କଣ୍ଠଶିଳ୍ପୀ ସତ୍ୟଜିତ ପ୍ରଧାନ, ଅନ୍ତରା ଚକ୍ରବର୍ତ୍ତୀ ଓ ଟି. ସୌରୀଙ୍କ ଦଳ ଚିତ୍ତାକର୍ଷକ ସଂଗୀତ ପରିବେଷଣ କରିଥିଲେ। ଉଦ୍ଯାପନୀ ଉସତ୍ବ ପୂର୍ବରୁ ଭୁବନେଶ୍ୱରର ରୁଦ୍ରାକ୍ଷ ତରଫରୁ ଓଡିଶୀ, ଗୁରୁ ମାଗୁଣୀ ଚରଣ କୁଅଁରଙ୍କ ପକ୍ଷରୁ କଣ୍ଢେଇ ନୃତ୍ୟ,ବଡବିଲ ରୁଦ୍ରାକ୍ଷ ନୃତ୍ୟ ଏକାଡେମୀ, ଶିରିଷପାଳର ସାନ୍ତାଳୀ ଏବଂ ମୁଣ୍ଡା ନୃତ୍ୟ,ଅନନ୍ୟା ନୃତ୍ୟ ଏକାଡେମୀ, ମୟୁର ନୃତ୍ୟ ଅନୁଷ୍ଠାନ ଏବଂ ଶ୍ରୀକ୍ରୀଷ୍ଣା କୁରୁକ୍ଷେତ୍ର ଫାଉଣ୍ଡେସନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ପଞ୍ଚମ ସନ୍ଧ୍ୟାରେ ଆୟୋଜିତ ଏହି ସାଂସ୍କୃତିକ କାର୍ଯ୍ୟକ୍ରମରେ ସଂଯୋଜନା କରିଥିଲେ। ପ୍ରଶାନ୍ତ କୁମାର ପଲେଇ ଓ ଉପସ୍ଥାପିକା ବିଜ୍ଞାନଦର୍ଶିନୀ ନନ୍ଦ।
