ମୁମ୍ବାଇ: ବଲିଉଡ୍ ନାୟିକା ଅନୁଷ୍କା ଶର୍ମା ଓ ଭାରତୀୟ କ୍ରିକେଟ ଦଳର କ୍ୟାପଟେନ୍ ବିରାଟ କୋହଲିଙ୍କ ଯୋଡି ଅଧିକାଂଶ ସମୟରେ ଥାଆନ୍ତି ଚର୍ଚ୍ଚାରେ। ବିବାହ ପରେ ଅନୁଷ୍କା ଏକ ପ୍ରକାର ଅଭିନୟଠାରୁ ଦୂରେଇ ରହିଥିବା ବେଳେ ସେ ବିରାଟଙ୍କ ସହ କ୍ୱାଲିଟି ଟାଇମ୍ ସ୍ପେଣ୍ଡ କରୁଛନ୍ତି ବୋଲି କୁହାଯାଏ। ଅନେକ ସମୟରେ ଅନୁଷ୍କା ବିରାଟଙ୍କ ସହ ବିଦେଶ ଭ୍ରମଣ କରୁଥିଲେ ବି କେବେ କେବେ ଯାଇ ପାରନ୍ତି ନାହିଁ। ସୋସିଆଲ ମିଡିଆରେ ଖୁବ୍ ଆକ୍ଟିଭ ଥିବା ଏହି ନାୟିକା ନିକଟରେ ଏମିତି ଏକ ପୋଷ୍ଟ କରିଛନ୍ତି ଯାହା ତାଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। ଅନୁଷ୍କା ଲେଖିଛନ୍ତି ସମୟ ସହ ତାଳ ଦେଇ ଗୁଡବାୟ କହିବା ଆପଣମାନେ ଭାବୁଥିବେ ସହଜ କଥା। ହେଲେ ଏହା ଏତେଟା ସହଜ ନୁହେଁ ବୋଲି ସେ କହିଛନ୍ତି। ଅବଶ୍ୟ ଏମିତି କେବେ ହୋଇନି ବୋଲି ବି ସେ ଲେଖିଛନ୍ତି। ଅର୍ଥାତ୍ କେବେ କେବେ ବିରାଟଙ୍କଠାରୁ ଦୂରରେ ରହିବା ତାଙ୍କୁ କଷ୍ଟ ଦିଏ ବୋଲି ସେ ପରୋକ୍ଷରେ କହିଛନ୍ତି ବୋଲି କୁହାଯାଉଛି। ଏହି ମେସେଜ୍ ସହ ସେ ଯେଉଁ ଫଟୋ ଶେୟାର କରିଛନ୍ତି ତାହା ମଧ୍ୟ ଅନେକଙ୍କୁ ପସନ୍ଦ ଆସିଛି। କାରଣ ମାତ୍ର କେଇ ଘଣ୍ଟା ମଧ୍ୟରେ ପାଖାପାଖି ୧୭ ଲକ୍ଷ ୟୁଜର୍ସ ଏହାକୁ ଲାଇକ୍ କରିବା ସହ ଶେୟାର ମଧ୍ୟ କରିସାରିଛନ୍ତି।
