ପାତ୍ରପୁର,୧୯ା୪(ଡି.ଏନ୍.ଏ.)- ଦୁର୍ଗମ ଅଞ୍ଚଳର ଜଣେ ଗର୍ଭବତୀଙ୍କୁ ଜରଡ଼ା ଥାନା ଅଧିକାରୀ ମୃତ୍ୟୁଞ୍ଜୟ ସ୍ବାଇଁ ଗାଡ଼ି ଭଡାକରି ଘରେ ଛାଡ଼ିଛନ୍ତି। ଏନେଇ ବିଭିନ୍ନ ମହଲରୁ ତାଙ୍କୁ ପ୍ରଶଂସା କରାଯାଇଛି। ପାତ୍ରପୁର ବ୍ଲକ ଆଦିବାସୀ ଅଧ୍ୟୁଷିତ ଆଙ୍କୁଲି ପଞ୍ଚାୟତ ବଣିଆବସା ଗ୍ରାମର ଧନେଶ୍ୱର ପ୍ରଧାନଙ୍କ ସ୍ତ୍ରୀ ସନ୍ତୋଷିନୀ ସାତ ମାସର ଗର୍ଭବତୀ ଥିବାବେଳେ ପେଟରେ ଯନ୍ତ୍ରଣା ହୋଇଥିଲା। ଶନିବାର ଡ଼ଙ୍ଗାରେ ବାଘଲଟି ଜଳଭଣ୍ଡାର ପାର ହୋଇ ବାଘଲଟି ଗ୍ରାମରେ ପହଞ୍ଚିଥିଲେ ସ୍ବାମୀ ସ୍ତ୍ରୀ। ରବିବାର ୧୦୮ ଯୋଗେ ପାତ୍ରପୁର ମେଡ଼ିକାଲକୁ ଆସିଥିଲେ। ଡ଼ାକ୍ତର ଆଲଟ୍ରାସାଉଣ୍ଡ ପାଇଁ କହିଥିଲେ। ପାତ୍ରପୁରର ଏକ ଘରୋଇ କ୍ଲିନିକ୍ରେ ଆଲ୍ଟ୍ରାସାଉଣ୍ଡ କରିବା ପରେ ଗ୍ରାମକୁ ଯିବାକୁ କୌଣସି ସୁବିଧା ନ ମିଳିବାରୁ ଥାନା ଅଧିକାରୀଙ୍କୁ ଜଣାଇଥିଲେ। ଥାନା ଅଧିକାରୀ ଏକ ବଲୋରୋ ଭଡାରେ ଆଣି ଦମ୍ପତ୍ତିଙ୍କୁ ବାଘଲଟି ଜଳଭଣ୍ଡାର ପର୍ଯ୍ୟନ୍ତ ପଠାଇଥିଲେ। ସେଠାରୁ ଡଙ୍ଗାରେ ଘରକୁ ଫେରିଛନ୍ତି।
