ଟିଟିଲାଗଡ଼, ୮।୪ (ଡି.ଏନ.ଏ.): ବଲାଙ୍ଗୀର ଜିଲା ଟିଟିଲାଗଡ ବ୍ଲକ ଡୁଙ୍ଗରୁିଗୁଡା ଅନ୍ତର୍ଗତ ସମ୍ବଳ ଶକ୍ତି କୃଷକ ଉପତ୍ାଦକ କମ୍ପାନୀ ଆନୁକୂଲ୍ୟ ତଥା ଆଶା ଅନୁଷ୍ଠାନ କୁରସୁଡଙ୍କ ସହଯୋଗରେ କରୋନା କଟକଣା ସମୟରେ ଲୋକଙ୍କ ପାଇଁ ଭ୍ରାମ୍ୟମାଣ ପନିପରିବା ବିକ୍ରୟ ଆରମ୍ଭ ହୋଇଛି। ଆଶା ସମ୍ପାଦକ ସଞ୍ଜିବ ପଟ୍ଟନାୟକ, କମ୍ପାନୀ ଚେୟାରମ୍ୟାନ କୁଣ୍ଡଲ ବାଗ, ସିଇଓ ପରମେଶ୍ୱର ରଣା ତଥା କୃଷକଙ୍କ ଉପସ୍ଥିତିରେ ବୁଧବାରଠାରୁ ଏହି ଯାନର ଶୁଭାରମ୍ଭ କରାଯାଇଛି। ଆଭ୍ୟନ୍ତରୀଣ ଗ୍ରାମପଞ୍ଚାୟତର ପରିବା ଚାଷୀ କରୋନା କଟକଣା ନେଇ ସେମାନଙ୍କ ଉପତ୍ାଦନ ବିକ୍ରୟ କରିବାକୁ ବଜାର ନପାଇ କ୍ଷତିଗ୍ରସ୍ତ ହୋଇ ଚାଲିଥିଲେ। ପ୍ରଶାସନର ସହଯୋଗରେ ଭ୍ରାମ୍ୟମାଣ ଯାନ ଚାଷୀଙ୍କୁ ଉତ୍ସାହିତ କରିଛି। ଟିଟିଲାଗଡ, ମୁରିବାହାଲ, ସଇଁନ୍ତଲା ବ୍ଲକ ଅଞ୍ଚଳରେ ଏହି ଯାନ ବୁଲି ସତେଜ ପରିବା ବିକ୍ରୟ ବ୍ୟବସ୍ଥା କରାଯାଇଛି। ଟିଟିଲାଗଡ ଉପଜିଲାପାଲ ସୁଧାକର ନାୟକ, ଉଦ୍ୟାନ କୃଷି ବିଭାଗ ବଲାଙ୍ଗୀର ଜିଲା ନିର୍ଦ୍ଦେଶକ ଶାରଦା ପ୍ରସାଦ ନାୟକ, ଟିଟିଲାଗଡ ସହକାରୀ ନିର୍ଦ୍ଦେଶକ ହିମାଂଶୁ ଶେଖର ସାହୁ ଏନେଇ ଚାଷୀଙ୍କୁ ଉତ୍ସାହିତ କରିଛନ୍ତି। ଏହା ଦ୍ୱାରା କଟକଣା ସମୟରେ ଲୋକଙ୍କ ଘରେ ପରିବା ପହଞ୍ଚିବା ସହ ଖାଉଟି ଏବଂ ଚାଷୀ ଉଭୟେ ଉପକୃତ ହୋଇପାରିବେ ବୋଲି ଉପଜିଲାପାଳ କହିଛନ୍ତି।
