ନୂଆଗାଁ,୨୭।୮(ଡି.ଏନ.ଏ.)-ନୟାଗଡ ଜିଲା ନୂଆଗାଁ ବ୍ଲକ ଗାଁ ସାଥୀ ସଂଘ ମିଳିତ କ୍ରିୟାନୁଷ୍ଠାନ କମିଟି ତରଫରୁ ସୋମବାର ନୂଆଗାଁ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି । ଗାଁ ସାଥୀ ସଭ୍ୟାସଭ୍ୟମାନଙ୍କ ମାଧ୍ୟମରେ ବିଭିନ୍ନ କାର୍ଯ୍ୟ କରାଯାଉଥିଲେ ମଧ୍ୟ ସେମାନଙ୍କୁ ବ୍ଲକ ପ୍ରଶାସନ ଅଣଦେଖା କରୁଥିବା ଅଭିଯୋଗ ସହିତ ୧୦ ଗୋଟି ଦାବି ନେଇ ସେମାନେ ଧାରଣାରେ ବସିଛନ୍ତି। ପ୍ରତି ସଭ୍ୟାସଭ୍ୟଙ୍କୁ ଗାଁ ସାଥୀର ପରିଚୟ ପତ୍ର ପ୍ରଦାନ, ଗାଁ ସାଥୀମାନଙ୍କ ନାମରେ କ୍ରମାନ୍ବୟରେ କାର୍ଯ୍ୟାଦେଶ ପ୍ରଦାନ, ପଞ୍ଚାୟତ ସ୍ତରରେ ହେଉଥିବା ଉନ୍ନୟନମୂଳକ କାର୍ଯ୍ୟରେ ସେମାନଙ୍କୁ ସାମିଲ କରିବା, ୨୦୧୩-୧୪ ଠାରୁ ୨୦୧୭-୧୮ ମଧ୍ୟରେ କରାଯାଇଥିବା କାର୍ଯ୍ୟର ପ୍ରାପ୍ୟ ପ୍ରଦାନ , ୨୦୧୩-୧୪ ଆର୍ଥତ୍କ ବର୍ଷର ବେସ୍ ଲାଇନ ସର୍ଭେର ପ୍ରୋତ୍ସାହନ ରାଶି ପ୍ରଦାନ, ପ୍ରତି ଗାଁ ସାଥୀଙ୍କୁ ପ୍ରତି ମାସରେ ୧୦ ଦିନର କାର୍ଯ୍ୟ ପ୍ରଦାନ, ନୂତନ ନୀତି ନିୟମ ଓ ଧାରା ବିଷୟରେ ବ୍ଲକ ସ୍ତରରେ ତିନିଦିନ ସ୍ବତନ୍ତ୍ର ପ୍ରଶିକ୍ଷଣ ପ୍ରଦାନ ଏବଂ ପଞ୍ଚାୟତ ସ୍ତରରେ ହେଉଥିବା କାର୍ଯ୍ୟଗୁଡିକ ଗାଁ ସାଥୀମାନଙ୍କ ବିନା ସ୍ବାକ୍ଷରରେ ବିଲ୍ କରାଯାଉଥିବାରୁ ତାହାର ବିଚାର ପାଇଁ ଦାବି କରିଛନ୍ତି । ଏହି ଦାବିଗୁଡିକ ପୂରଣ କରିବା ପାଇଁ ସଂଘ ସହ ବିଡିଓ ସିଧାସଳଖ ଆଲୋଚନା କରି କାଯର୍ୟକାରୀ କରିବା ଲାଗି ପ୍ରତିଶ୍ରୁତି ଦେବା ପରେ ସେମାନେ ଧାରଣାରୁ ଉଠିବେ ବୋଲି ବ୍ଲକ ସ୍ତରୀୟ ଗାଁ ସାଥୀ(ମେଟ୍) ସଂଘର ସଭାପତି ଶାନ୍ତିଲତା ଖଟୁଆ ଓ ସମ୍ପାଦକ ରମେଶ ଚନ୍ଦ୍ର ସେଠୀ ସୂଚନା ଦେଇଛନ୍ତି।
