ଏମିତିରେ ଅଟା କିମ୍ବା ମଇଦାରେ ପ୍ରସ୍ତୁତ ପୁରି ସମସ୍ତେ ଖାଇଥାନ୍ତି । ହେଲେ ଆପଣ ଚାହିଁଲେ ଏଥିରେ କିଛି ନୂଆ ଟେଷ୍ଟ ଆଡ୍ କରି ପାରିବେ । ଆସନ୍ତୁ ଜାଣିବା ବିଭିନ୍ନ ପ୍ରକାର ପୁରି ପ୍ରସ୍ତୁତି ପ୍ରଣାଳୀ ସମ୍ପର୍କରେ…
ବିଟ୍ ପୁରି
ଏହି ପୁରି ଦେଖିବାକୁ ଯେତିକି କଲରଫୁଲ ଖାଇବାକୁ ସେତିକି ମଜାଦାର। ଏହାକୁ ପ୍ରସ୍ତୁତ କରିବା ଲାଗି ପ୍ରଥମେ ବିଟ୍କୁ ଚକଟି ଭଲ ଭାବେ ବାଟି ପେଷ୍ଟ ପ୍ରସ୍ତୁତ କରନ୍ତୁ। ଆବଶ୍ୟକ ମାତ୍ରାରେ ଅଟା ନେଇ ସେଥିରେ ଏହି ପେଷ୍ଟ, ଜୁଆଣି, ଲୁଣ, ଅଳ୍ପ ତେଲ ଏବଂ ପାଣି ପକାଇ ଚକଟି ଦିଅନ୍ତୁ। ଏହାକୁ ଛୋଟ ଛୋଟ ବେଲି ତେଲରେ ଛାଣି ଦିଅନ୍ତୁ। ଆଳୁ ତରକାରି ସାଙ୍ଗେ ଏହାକୁ ଖାଇବାର ମଜା ନିଅନ୍ତୁ।
ପାଲକ ପୁରି
ପାଳଙ୍ଗ ଶାଗକୁ ସିଝାଇ ଗ୍ରାଇଣ୍ଡ କରି ଦିଅନ୍ତୁ। ଏହାକୁ ଅଟାରେ ମିଶାନ୍ତୁ। ଅଳ୍ପ ରାଶି, କଞ୍ଚା ଲଙ୍କା, ଜୁଆଣି, ଲୁଣ ଏବଂ ଆବଶ୍ୟକ ପାଣି ଦେଇ ଚକଟି କିଛି ସମୟ ଛାଡି ଦିଅନ୍ତୁ। ବର୍ତ୍ତମାନ ଏକ କଡେଇରେ ତେଲ ଗରମ କରନ୍ତୁ। ରଖା ଯାଇଥିବା ଚକଟା ଅଟାକୁ ଛୋଟ ଛୋଟ ଗୋଲ କରି ବେଲି ଛାଣନ୍ତୁ। ପ୍ରସ୍ତୁତ ହୋଇଗଲା ପାଲକ ପୁରି।
ମଟର ପୁରି
ପ୍ରଥମେ ଏକ କଡେଇରେ ତେଲ ଗରମ କରି ସେଥିରେ ଜିରା, ମଟର, ଲୁଣ ପକାଇ ଭାଜନ୍ତୁ। ଅଳ୍ପ ସମୟ ପରେ ସେଥିରେ କଟା ଅଦା, କଞ୍ଚା ଲଙ୍କା, ଆମଚୁର ପାଉଡର ପକାଇ ଭାଜନ୍ତୁ। ଏହା ଥଣ୍ଡା ହେବା ପରେ ଗ୍ରାଇଣ୍ଡ କରି ଦିଅନ୍ତୁ। ଅନ୍ୟ ଏକ ପାତ୍ରରେ ଅଟା, ପାଣି ଏବଂ ଅଳ୍ପ ଲୁଣ ନେଇ ଭଲ ଭାବେ ଚକଟି ଦିଅନ୍ତୁ। ଏହାକୁ ଛୋଟ ଛୋଟ ଗୋଲ କରି ବେଲନ୍ତୁ ଏବଂ ଏହା ଭିତରେ ରଖାଯାଇଥିବା ମଟରକୁ ପୂର ଆକାରରେ ଦେଇ ପୁନର୍ବାର ବେଲନ୍ତୁ। ତେଲରେ ଛାଣି ଗରମ ଗରମ ଏହି ସ୍ବାଦିଷ୍ଟ ପୁରିର ଆନନ୍ଦ ନିଅନ୍ତୁ। ଆଚାର ସହ ଏହାର କମ୍ବିନେଶର ଖୁବ୍ ଟେଷ୍ଟି।
କଟ୍ଟୁ ପୁରି
ଅଟାରେ ସିଝା ଆଳୁ, ଛୋଟ ଛୋଟ କଟା ହୋଇଥିବା କଞ୍ଚା ଲଙ୍କା ଏବଂ ଧନିଆ ପତ୍ର, ଆବଶ୍ୟକ ମାତ୍ରାରେ ସୈନ୍ଧବ ଲବଣ, ଲାଲ ଲଙ୍କା ପାଉଡର, ପାଣି ମିଶାଇ ଭଲ ଭାବେ ଚକଟି ଦିଅନ୍ତୁ। ଏହାକୁ ବେଲି ତେଲରେ ଛାଣି ଦିଅନ୍ତୁ। ପ୍ରସ୍ତୁତ ହୋଇଗଲା ଟେଷ୍ଟି କଟ୍ଟୁ ପୁରି। ଏହାକୁ ରାଇତା କିମ୍ବା ଦହି ସହ ଖାଇବାର ମଜା ନିଅନ୍ତୁ।
