ଭଞ୍ଜନଗର,୭।୫(ଡି.ଏନ.ଏ.)- ଗଞ୍ଜାମରେ ସୁରଟ ଫେରନ୍ତା ଚିନ୍ତା ବଢାଇଛନ୍ତି। ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବାବେଳେ କ୍ୱାରାଣ୍ଟାଇନ୍ରେ ଥିବା ଲୋକେ ନିୟମ ମାନୁ ନାହାନ୍ତି। ଗଞ୍ଜାମ ଜିଲା ବେଲଗୁଣ୍ଠା ଜିଟି ହାଇସ୍କୁଲ କ୍ୱାରାଣ୍ଟାଇନ ସେଣ୍ଟରରେ ଲୋକଙ୍କୁ ସମ୍ପର୍କୀୟ ଭେଟୁଥିବାର ଭିଡ଼ିଓ ଗୁରୁବାର ଭାଇରଲ ହୋଇଛି। ନିୟମ ନ ମାନି ସମ୍ପର୍କିୟଙ୍କୁ ଭେଟିବା ଆଗକୁ ବଡ ବିପଦ ଡାକିଆଣିବ। ଭିଡ଼ିଓରେ ଜଣେ ମହିଳା ବେଲଗୁଣ୍ଠା ବଜାର ଆଡୁ ଆସି ସ୍କୁଲ ଗେଟ୍ ବାଟେ କିଛି ଖାଦ୍ୟ ଦେବାକୁ ଚାହିଁଥିଲେ। କିନ୍ତୁ ଗେଟ୍ ବାଟେ ଖାଦ୍ୟ ପୁଡିଆ ନ ଯିବାରୁ ପାଚେରୀ ଉପର ବାଟେ ଦେଇଥିଲେ। ଦ୍ୱିତୀୟ ଭିଡ଼ିଓଟିରେ ୨ଜଣ ଯୁବକ ବଜାର ଆଡୁ କିଛି ଖାଦ୍ୟ ଧରି ଆସି ଗେଟ୍ ନିକଟରେ ପହଞ୍ଚତ୍ବା ପରେ କେହି ପାଟି କରୁଛନ୍ତି। ସେମାନେ ପ୍ରବାସୀ ଓଡ଼ିଆ ଓ ଉକ୍ତ କ୍ୱାରାଣ୍ଟାଇନ ସେଣ୍ଟରରେ ରହୁଥିବା ଭିଡିଓରେ କୁହାଯାଇଛି।
