ବିଶ୍ୱରେ ଏମିତି କିଛି କ୍ରିକେଟର ଅଛନ୍ତି ଯେଉଁମାନେ କ୍ରିକେଟରେ ପସିଦ୍ଧି ଅର୍ଜନ କରିଛନ୍ତି। କେବଳ ସେ ନୁହେଁ ତାଙ୍କ ପୁଅ ମଧ୍ୟ କ୍ରିକେଟରେ ସଫଳତା ଅର୍ଜନ କରିଛନ୍ତି। ଆସନ୍ତୁ ଜାଣିବା ସେମିତି କିଛି କ୍ରିକେଟରଙ୍କ ସମ୍ପର୍କରେ..
ଲାଲା ଅମରନାଥ-ମହେନ୍ଦ୍ର ଅମରନାଥ
ଲାଲା ଅମରନାଥ ଜଣେ ପ୍ରସିଦ୍ଧ ଅଲରାଉଣ୍ଡର ଭାବେ ପରିଚିତ ଥିଲେ। ସେ ଭାରତର ପ୍ରଥମ ବ୍ୟାଟ୍ସମ୍ୟାନ ଭାବେ ଟେଷ୍ଟରେ ଶତକ ହାସଲ କରିଥିଲେ। ତାଙ୍କ ପୁଅ ମହେନ୍ଦ୍ର ଅମରନାଥ ମଧ୍ୟ ଜଣେ ଭଲ ଅଲରାଣ୍ଡର ଥିଲେ।
ସୁନୀଲ ଗାଭାସ୍କର-ରୋହନ ଗାଭାସ୍କର
ସୁନୀଲ ଗାଭାସ୍କର ଭାରତର ସଫଳ ଟେଷ୍ଟ ଖେଳାଳି ଭାବେ ପରିଚିତ। ସେ ଟେଷ୍ଟରେ ୩୪ଟି ଶତକ ଓ ୧୦ ହଜାରରୁ ଅଧିକ ରନ କରିଛନ୍ତି। ତାଙ୍କ ପୁଅ ରୋହନ ଭାରତ ପାଇଁ ମାତ୍ର ୧୧ଟି ଏକଦିବସୀୟ ମ୍ୟାଚ୍ ଖେଳିଛନ୍ତି।
ଅଶୋକ ମଙ୍କଡ ଓ ବିନୁ ମଙ୍କଡ
ବିନୁ ମଙ୍କଡ ଭାରତର ଜଣେ ସଫଳ ଲେଗ ସ୍ପିନର୍ ଅଟନ୍ତି। ସେ ଭାରତ ପକ୍ଷରୁ ୪୪ଟି ଟେଷ୍ଟ ମ୍ୟାଚ୍ ଖେଳି ୧୬୨ ଟି ଉଇକେଟ ନେଇଛନ୍ତି। ସେମିତି ତାଙ୍କ ପୁଅ ଅଶୋକ ମଙ୍ଗଡ ଭାରତ ପକ୍ଷରୁ ୨୨ଟି ଟେଷ୍ଟ ଖେଳି ୯୯୧ ରନ୍ ସ୍କୋର କରିଛନ୍ତି।
ରିକି ପଣ୍ଟିଂ ଓ ଗ୍ରୀମ ପଣ୍ଟିଂ
ରିକି ପଣ୍ଟିଂ ବିଶ୍ୱର ସବୁଠାରୁ ସଫଳ ଅଧିନାୟକ। ସେ ୨୦୦୩ ରୁ ୨୦୦୭ ମଧ୍ୟରେ ବିଶ୍ୱକପ ବିଜେତା ଅଷ୍ଟ୍ରେଲିଆ ଦଳର ନେତୃତ୍ୟ କରିସାରିଛନ୍ତି। ପଣ୍ଟିଂଙ୍କ ବାପା ଗ୍ରୀମ ପଣ୍ଟିଂ ମଧ୍ୟ କ୍ରିକେଟ ଜଗତରେ ନାଁ କମାଇସାରିଛନ୍ତି। ସେ ଅନ୍ତର୍ଜାତୀୟ କ୍ରିକେଟ ଖେଳି ନ ଥିଲେ ମଧ୍ୟ ଅଷ୍ଟ୍ରେଲିଆ ପକ୍ଷରୁ ପ୍ରଥମଶ୍ରେଣୀ ମ୍ୟାଚ୍ ଖେଳିଥିଲେ।
ଷ୍ଟୁଆର୍ଟ ବ୍ରଡ ଓ କ୍ରିସ ବ୍ରଡ
ଷ୍ଟୁଆର୍ଟ ବ୍ରଡ ଇଂଲଣ୍ଡର ଜଣେ ଆଗଧାଡର କ୍ରିକେଟର ଭାବେ ଜଣାଶୁଣା। ସେ ଅନ୍ତର୍ଜାତୀୟ ମ୍ୟାଚରେ ୪ ହଜାରରୁ ଅଧିକ ରନ କରିବା ସହ ୫୦୦ରୁ ଅଧିକ ଉଇକେଟ ନେଇସାରିଲେଣି। ସେମିତି ତାଙ୍କ ବାପା କ୍ରିସ ବ୍ରଡ ସେତେ ସଫଳ ହୋଇପାରି ନ ଥିଲେ। ସେ ଇଂଲଣ୍ଡ ପାଇଁ ୨୫ଟି ଟେଷ୍ଟ ମ୍ୟାଚ୍ ଖେଳିଛନ୍ତି।
ଯୁବରାଜ ସିଂ ଓ ଯୋଗରାଜ ସିଂ
ଭାରତୀୟ କ୍ରିକେଟ ଟିମର ଅଲରାଉଣ୍ତର୍ ଯୁବରାଜ ସିଂ ପ୍ରାୟ ୧୬ବର୍ଷ ପର୍ଯ୍ୟନ୍ତ ଟିମ ଇଣ୍ତିଆ ପାଇଁଁ ଖେଳିଛନ୍ତି। ତାଙ୍କ ବାପା ଯୋଗରାଜ ସିଂ ୧୯୮୧ରେ ଭାରତ ପାଇଁ କେବଳ ଗୋଟିଏ ଟେଷ୍ଟ ଓ ୬ ଟି ଏକଦିବସୀୟ ଖେଳିଥିଲେ।
ଜନି ବେୟରଷ୍ଟୋ ଓ ଡେଭିଡ ବେୟରଷ୍ଟୋ
ଇଂଲଣ୍ତର ଓପନର୍ ବ୍ୟାଟ୍ସମ୍ୟାନ ଜନି ବେୟରଷ୍ଟୋ ୬୩ଟି ଟେଷ୍ଟ ଓ ୫୯ଟି ଏକଦିବସୀୟ ଖେଳିସାରିଲେଣି। ତାଙ୍କ ବାପା ଡେଭିଡ ବେୟରଷ୍ଟୋ ଇଂଲଣ୍ଡ ପାଇଁ ୫ଟି ଟେଷ୍ଟ ମ୍ୟାଚ ଖେଲିଥିଲେ।
