ଲୋକପ୍ରିୟ ଟିିଭି ଶୋ’ କ୍ରାଇମ ପେଟ୍ରୋଲ ଅଭିନେତ୍ରୀ ପ୍ରେକ୍ଷା ମେହେତା ଆତ୍ମହତ୍ୟା କରିଛନ୍ତି। ମଧ୍ୟପ୍ରଦେଶର ଇନ୍ଦୋରରେ ଥିବା ନିଜ ବାସଭବନରେ ଆତ୍ମହତ୍ୟା କରିଥିବା ଜଣାପଡିଛି। ମଙ୍ଗଳବାର ସକାଳେ ତାଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା। ପରେ ତୁରନ୍ତ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପ୍ରେକ୍ଷା ମୃତ୍ୟୁ ପୂର୍ବରୁ ଇନ୍ଷ୍ଟାଗ୍ରାମରେ ଏକ ଭାବପ୍ରବଣ ଲେଖା ପୋଷ୍ଟ କରିଥିଲେ। ଯାହାକୁ ନେଇ ତର୍ଜମା ଆରମ୍ଭ ହୋଇଛି। ଉକ୍ତ ପୋଷ୍ଟରେ ସେ ଲେଖିଥିଲେ ‘ସ୍ବପ୍ନ ମରିଯିବା ସବୁଠୁ ଖରାପ’ ହୋଇଥାଏ। ମାନସିକ ଚାପ ଯୋଗୁ ସେ ଆତ୍ମହତ୍ୟା କରିଥାଇପାରନ୍ତି ବୋଲି ଅନୁମାନ କରାଯାଉଛି। କ୍ରାଇମ ପେଟ୍ରୋଲ ବ୍ୟତୀତ ‘ଲାଲ ଇସ୍କ’ ଏବଂ ‘ମେରି ଦୂର୍ଗା’ ଧାରାବାହିକରେ ବି ଏହି ଅଭିନେତ୍ରୀଙ୍କୁ ଦେଖିବାକୁ ମିଳିଥିଲା। କେବଳ ଏତିକି ନୁହେଁ, ସେ ଅକ୍ଷୟ କୁମାରଙ୍କ ଚଳଚ୍ଚିତ୍ର ‘ପ୍ୟାଡ୍ମ୍ୟାନ’ରେ ବି ନଜର ଆସିଥିଲେ।
