କେନ୍ଦୁଝର, ୧୯ା୯ (ସ୍ବ.ପ୍ର./ଡି.ଏନ.ଏ.)-ଓଡିଶାର ମହିଳା ଓ ଶିଶୁ ବିକାଶ ମନ୍ତ୍ରୀ ଟୁକୁନି ସାହୁ ବୁଧବାର କେନ୍ଦୁଝର ଜିଲା ଗସ୍ତରେ ଆସି କ୍ଷେତ୍ର ପରିଦର୍ଶନ କରିବା ସହ ଦରବାର ହଲଠାରେ ଅନୁଷ୍ଠିତ ସମୀକ୍ଷା ବୈଠକରେ ସାମିଲ ହୋଇ ବିଭିନ୍ନ କାର୍ଯ୍ୟର ତଦାରଖ କରିଥିଲେ। ଡିଏମଏଫ ଅନୁଦାନରେ ବାଂଶପାଳ ବ୍ଲକ ତଳ କଇଁସାରୀ ଗ୍ରାମରେ ସ୍ଥାପିତ କ୍ରେଚ ପରିଦର୍ଶନ କରିଥିଲେ। ଜିଲାରେ ଏଭଳି ଖଣିଖାଦନ ବହୁଳ ଯୋଡା, ବାଂଶପାଳ, ହରିଚନ୍ଦନପୁର ବ୍ଲକ ଅଞ୍ଚଳରେ ସମୁଦାୟ ୬୦ଟି କ୍ରେଚ ଖୋଲାଯାଇ ଶ୍ରମଜୀବୀ ତଥା ଖଣିଖାଦାନରେ କାମ କରୁଥିବା ମହିଳା ମାନଙ୍କ ଶିଶୁ ମାନଙ୍କୁ ରଖା ଯାଇ ସେମାନଙ୍କ ପ୍ରତି ନିଆ ଯାଉଥିବା ଯତ୍ନକୁ ଜାଣି ଖୁସିବ୍ୟକ୍ତ କରିଥିଲେ। ସଦର ବ୍ଲକ ଜଳବଙ୍ଗ ଗ୍ରାମରେ ଅଙ୍ଗନଓ୍ବାଡି କେନ୍ଦ୍ର ପରିଦର୍ଶନ କରି ସେଠାରେ ପଢୁଥିବା ପିଲା ମାନଙ୍କୁ ଓଡିଆ ବର୍ଣ୍ଣମାଳା ପଚାରି ବୁଝିଥିଲେ ା ସେଠାରେ ଉପସ୍ଥିତ ଗର୍ଭବତୀ ଓ ପ୍ରସୂତି ମହିଳା ମାନଙ୍କ ସହିତ ଆଲୋଚନା କରି ସୁବିଧା ଅସୁବିଧା ବୁଝିଥିଲେ। ଡିଏମଏଫ ପକ୍ଷରୁ ଅଙ୍ଗନଓ୍ବାଡି କେନ୍ଦ୍ରକୁ ଧୂମ୍ରବିହୀନ ଚୁଲା, ପ୍ରେସର କୁକର ମନ୍ତ୍ରୀଙ୍କ ଦ୍ୱାରା ପ୍ରଦାନ କରାଯାଇଥିଲା। ମୁକୁନା ଗ୍ରାମରେ ଛତୁଆ ପ୍ରସ୍ତୁତ କେନ୍ଦ୍ର ମନ୍ତ୍ରୀ ପରିଦର୍ଶନ କରି ନିରୀକ୍ଷଣ କରିଥିଲେ ା ଜିଲାପାଳ ଆଶୀଷ ଠାକରେ, ଜିଲା ସମାଜ ମଙ୍ଗଳ ଅଧିକାରୀ ମାନସୀ ରଥ, ପ୍ରୋଗ୍ରାମ ଅଫିସର ସତ୍ୟ ପ୍ରିୟଦର୍ଶିନୀ ସାହୁ, ଜିଲା ଶିଶୁ ସୁରକ୍ଷା ଅଧିକାରୀ ଦେବାଙ୍ଗନା ବାରିକ, ଯୁଗମ ସଚିବ ଗୀତାରାଣୀ ପଟ୍ଟନାୟକ, ବ୍ୟକ୍ତିଗତ ସଚିବ ପ୍ରମୋଦ କୁମାର ମିଶ୍ର ଉପସ୍ଥିତ ଥିଲେ ା ଅନ୍ୟମାନଙ୍କ ମଧ୍ୟରେ ଜିଲାପାଳ ଆଶୀଷ ଠାକରେ, ଏମ୍ପି ଚନ୍ଦ୍ରାଣୀ ମୁର୍ମୁ, ବିଧାୟକ ମୋହନ ମାଝୀ, ମୀନାକ୍ଷୀ ମହାନ୍ତ, ଭାଗିରଥୀ ସେଠୀ, ଜଗନାଥ ନାଏକଙ୍କ ସମେତ ପିଡି ଉଦ୍ଧବ ଚନ୍ଦ୍ର ମାଝୀ, ଉପଜିଲାପାଳ ରାମଚନ୍ଦ୍ର କିସ୍କୁ, ଜିଲା ସମାଜ ମଙ୍ଗଳ ଅଧିକାରୀ ମାନସୀ ରଥ ଉପସ୍ଥିତ ଥିଲେ। ଏହି ଅବସରରେ ଡିଏମଏଫ ଅନୁଦାନ ଓ ସରକାରଙ୍କ ଅନୁଦାନରେ ଚାଲିଥିବା ବିଭିନ୍ନ କାର୍ଯ୍ୟକ୍ରମ ବିଷୟରେ ଆଲୋଚନା କରାଯାଇଥିଲା ପ୍ରତ୍ୟେକ ମାସ ୧ ତାରିଖରେ ହିତାଧିକାରୀଙ୍କୁ ଛତୁଆ ଯୋଗାଣ ପାଇଁ ସେ ନିର୍ଦ୍ଦେଶ ଦେଇଥିଲେ ା
