ମୁମ୍ବାଇ: ବଲିଉଡ ସୁପରଷ୍ଟାର୍ ଶାହାରୁଖ ଖାନ ଫିଲ୍ମ‘ପଠାନ’କୁ ନେଇ ଚର୍ଚ୍ଚାରେ ଅଛନ୍ତି। ବକ୍ସ ଅଫିସରେ ‘ପଠାନ’
ଧମାକାଦାର ରେକର୍ଡ କରୁଛି। ଇତି ମଧ୍ୟରେ ଭାଲେଣ୍ଟାଇନ୍ ଡେ’ ଅବସରରେ କିଙ୍ଗ୍ଖାନ ସୋସିଆଲ ମିଡିଆ ପ୍ଲାଟଫର୍ମ ଟୁଇଟ୍ରରେ ତାଙ୍କ ପ୍ରଶଂସକଙ୍କ ପାଇଁ ଏକ ଆସ୍କ ଏସ୍ଆର୍କେ(#AskSRK)ସେସନ ରଖିଛନ୍ତି। ଯେଉଁଥିରେ ଶାହାରୁଖ ତାଙ୍କ ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଉଥିବାର ନଜର ଆସିଛନ୍ତି। ଏହି ସମୟ ମଧ୍ୟରେ ଶାହାରୁଖ ଖାନଙ୍କ ଜଣେ ପ୍ରଶଂସକ ଅଭିନେତାଙ୍କୁ ହତ୍ୟା କରିବାକୁ ଧମକ ଦେଇଛନ୍ତି। ଯାହାକୁ ଶାହାରୁଖ ଖାନ ନିଜ ଶୈଳୀରେ ଉତ୍ତର ଦେଇଛନ୍ତି।
ପ୍ରଶଂସକ ପ୍ରଶ୍ନ ପଚାରିଥିଲେ, ସାର୍, ଏଥର ଯଦି ରିପ୍ଲାଏ ନ ଆସିଲା, ତେବେ ଆପଣଙ୍କୁ ଫ୍ୟାନ ୨ କରିବାକୁ ପଡିବ। ଏହା ଉପରେ ଶାହରୁଖ ଖାନ ବିଳମ୍ବ ନକରି ଉତ୍ତର ଦେଇ କହିଛନ୍ତି, ମୁଁ କୌଣସି ପ୍ରକାରେ ଫ୍ୟାନ ୨ କରିବି ନାହିଁ, ତୁମେ ଯାହା କରୁଛ କର। ଏହିପରି କିଙ୍ଗ ୍ଖାନ ଏହି ଧମକପୂର୍ଣ୍ଣ ପ୍ରଶଂସକଙ୍କୁ ନିରାଶ ନକରି ନିଜ ଶୈଳୀରେ ପ୍ରତିକ୍ରିୟା ଦେଇଛନ୍ତି।
୨୦୧୬ରେ ମୁକ୍ତିଲାଭ କରିଥିବା ଶାହାରୁଖ ଖାନଙ୍କ ଫିଲ୍ମ ‘ଫ୍ୟାନ’ରେ ଗୌରବ ନାମକ ଜଣେ ପ୍ରଶଂସକଙ୍କ କାହାଣୀକୁ ଦର୍ଶାଯାଇଛି, ଯିଏ ଏକ ସମୟରେ ସମସ୍ତ ସୀମା ଅତିକ୍ରମ କରି ସୁପରଷ୍ଟାରଙ୍କ ଜୀବନ ଅନୁସରଣ କରନ୍ତି। ଯଦିଓ ଶାହାରୁଖଙ୍କ ଫିଲ୍ମ ବକ୍ସ ଅଫିସରେ କିଛି ଆଶ୍ଚର୍ଯ୍ୟଜନକ ପ୍ରଦର୍ଶନ କରିପାରି ନଥିଲା ଏବଂ ପରେ ଫ୍ଲପ ବୋଲି ପ୍ରମାଣିତ ହୋଇଥିଲା।
