ବାସୁଦେବପୁର,୯।୮(ଡି.ଏନ୍.ଏ.) : ଭଦ୍ରକ ଜିଲା ବାସୁଦେବପୁର ବ୍ଲକ ନୂଆଗାଁ ପଞ୍ଚାୟତର କାର୍ଯ୍ୟନିର୍ବାହୀ ଅଧିକାରୀ ଚିନ୍ମୟୀ ପଣ୍ଡାଙ୍କୁ ପଞ୍ଚାୟତରୁ ବଦଳି ଦାବିରେ ବ୍ଲକ କାର୍ଯ୍ୟାଳୟ ପରିସରରେ ପଞ୍ଚାୟତର ସରପଞ୍ଚ ରଘୁନାଥ ମଳିକଙ୍କ ସମେତ ୫୦ରୁ ଊର୍ଦ୍ଧ୍ୱ ବ୍ୟକ୍ତି ଆମରଣ ଅନଶନରେ ବସିଛନ୍ତି। ସଂପୃକ୍ତ ପଞ୍ଚାୟତ ଅଧିକାରୀ ଜଣକ ପଞ୍ଚାୟତ କାର୍ଯ୍ୟରେ ସରପଞ୍ଚଙ୍କୁ ସହଯୋଗ କରୁ ନ ଥିବା ସହିତ କାର୍ଯ୍ୟରେ ପାତରଅନ୍ତର କରୁଥିବା ଅଭିଯୋଗ କରି ସରପଞ୍ଚଙ୍କ ନେତୃତ୍ୱରେ ଏହି ଅନଶନ ଚାଲୁରହିଛି। ଶୁକ୍ରବାର ପୂର୍ବାହ୍ନରୁ ଅଦ୍ୟାବଧି ଏହି ଅନଶନ ଚାଲିଥିବା ଜଣାପଡ଼ିଛି। ଦାବି ପୂରଣ ନ ହେବା ପର୍ଯ୍ୟନ୍ତ ଅନଶନ ଚାଲୁ ରହିବ ବୋଲି ମଳିକ କହିଛନ୍ତି।
