ଜି.ଉଦୟଗିରି,୧୪ା୬(ଡି.ଏନ୍.ଏ.)- କଳିଙ୍ଗା ଘାଟିରେ ଦୁଇ ଦୁଇଟି ଲୁଟ୍ ଘଟଣାରେ ରବିବାର ୩ଜଣଙ୍କୁ ଜି.ଉଦୟଗିରି ପୋଲିସ ଗିରଫ କରିଛି। ସେମାନଙ୍କ ଠାରୁ ଟଙ୍କା, ମୋବାଇଲ ଓ ମାରଣାସ୍ତ୍ର ଜବତ ହୋିଛି। ଗତ ୩୦ ତାରିଖ ରାତିରେ ଶଙ୍କରାଖୋଲର ଦ୍ୱିତୀକୃଷ୍ଣ ପାଢୀଙ୍କ ଠାରୁ ଲୁଟେରା ୧୦ ହଜାର ଟଙ୍କା, ମୋବାଇଲ ଲୁଟିନେଇଥିବାବେଳେ ଚଳିତ ମାସ ୬ ତାରିଖ ରାତିରେ ସାରଙ୍ଗଗଡର ସୌମ୍ୟରଞ୍ଜନ ସାହୁଙ୍କ ଠାରୁ ୨୦ ହଜାର ଓ ଦୁଇଟି ମୋବାଇଲ ଲୁଟି ନେଇଥିଲେ। ଉଭୟ ଘଟଣାରେ ସମ୍ପୃକ୍ତ କଳିଙ୍ଗା ଅଞ୍ଚଳର ଲକ୍ଷ୍ମଣ ନାୟକ, ଦୀପକ ପ୍ରଧାନ, ମିଥୁନ ପ୍ରଧାନଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଛି। ସେମାନଙ୍କ ଠାରୁ ୫ ମୋବାଇଲ, ୫ ହଜାର ଟଙ୍କା, ଦୁଇଟି କାତି, ଗୋଟିଏ ଠେଙ୍ଗା ଓ ଘଟଣାରେ ବ୍ୟବହୃତ ଗୋଟିଏ ସ୍କୁଟି ଏବଂ ଗୋଟିଏ ବାଇକ ଜବତ କରିଛି। ନଂ.୪୨ ଏବଂ ୪୩/୨୦ରେ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ନରେଶ କୁମାର ସାହୁ କହିଛନ୍ତି।
