ଚମ୍ପୁଆ, ୩୦।୫ (ଡି.ଏନ.ଏ)-ଚମ୍ପୁଆ ଗାନ୍ଧୀ ଛକଠାରେ ଉପଜିଲାପାଳ ପ୍ରତାପ ପ୍ରିତିମୟଙ୍କ ପ୍ରତକ୍ଷ୍ୟ ତତ୍ତ୍ୱାବଧାନରେ କରୋନା ଯୋଦ୍ଧା ମାନଙ୍କୁ ଉତ୍ସାହିତ କରିବା ପାଇଁ ସମବେତ ବନ୍ଦେ ଉତ୍କଳ ଜନନୀ ଗାନ କରିବା ସହିତ ସଫେଇ କର୍ମଚାରୀଙ୍କୁ ନିଷ୍ଠାପର ସେବା ପାଇଁ ଉତ୍ତରୀୟ ଦେଇ ସମ୍ବର୍ଦ୍ଧନା କରାଯାଇଛି। ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ କରୋନା ଯୁଧ୍ୟରେ ଅନବରତ ସେବା ଯୋଗାଇଥିବା ବିଭିନ୍ନ ବର୍ଗର କର୍ମଚାରୀ ମାନଙ୍କୁ ଉତ୍ସାହିତ କରିବା ଲକ୍ଷ୍ୟରେ କରୋନା ଯୁଦ୍ଧରେ ନିଃସ୍ବାର୍ଥପର ସେବା ଯୋଗାଇ ନିଜ କର୍ତ୍ତବ୍ୟରେ ପରିଚୟ ସୃଷ୍ଟି କରିଥିବା ବ୍ୟକ୍ତି ମାନଙ୍କର ପ୍ରଚେଷ୍ଟା ଆଜି ଓଡିଶାରେ କରୋନା ଭୟାବହତାକୁ ବହୁ ପରିମାଣରେ କମ କରି ପାରୁଥିବାରୁ ଏହା ତାଙ୍କ ପାଇଁ ଉଚିତ ସମ୍ମାନ ବୋଲି ପରିଚୟ ଦେଇଥିବା ଜଣାଯାଇଛି। ଏହି ପରିପ୍ରେକ୍ଷୀରେ ଚମ୍ପୁଆ ଉପଜିଲାପାଳଙ୍କ ସମେତ ଏସ୍ଡିଏମ୍ଓ ଉମାକାନ୍ତ ସାହୁ, ଆଇଆଇସି ମନୋରଞ୍ଜନ ପ୍ରଧାନ, ତହସିଲଦାର ଆଲୋକ କୁମାର ପଟେଲ, ସୂଚନା ଲୋକ ସମ୍ପର୍କ ଅଧିକାରୀ ଜୟନ୍ତ କୁମାର ନାଏକ, ଚମ୍ପୁଆ ବିଡିଓ ନୁପୁର ଚାନ୍ଦଗୋଟିଆ, ଏନ୍ଏସି ଅଧ୍ୟକ୍ଷା ଗୀତାରାଣୀ ନାଏକ, ଉପାଧ୍ୟକ୍ଷ ମାନଶ ରଞ୍ଜନ ପଶାୟତ, ଗଣମାଧ୍ୟମ ପ୍ରତିନିଧି, ବ୍ୟବସାୟ ସଂଘ, ବୁଦ୍ଧିଜୀବୀ ସମେତ ଜାତି ଧର୍ମ ବର୍ଣ୍ଣ ନିର୍ବିଶେଷରେ ଚମ୍ପୁଆ ଅଞ୍ଚଳର ବହୁ ଜନସାଧାରଣ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। ଏହିପରି ବିଭିନ୍ନ ସ୍ଥାନରେ ଏହି ସମବେତ ବନ୍ଦନା ଗାନ କରାଯାଇଥିଲା।
