ଖପ୍ରାଖୋଲ, ୭ା୫(ଡି.ଏନ.ଏ.): ସାରା ଦେଶରେ କରୋନା ମୁକାବିଲା ପାଇଁ ପ୍ରଶାସନ, ସ୍ବାସ୍ଥ୍ୟ ବିଭାଗ, ପୋଲିସ ସଜାଗ ରହି ଯୋଦ୍ଧା ସାଜିଛନ୍ତି। ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଞ୍ଚଳରେ କାର୍ଯ୍ୟରତ କରୋନା ଯୋଦ୍ଧାଙ୍କ ପାଇଁ ସାମାଜିକ ସଂଗଠନ ଆରସିଡିସି ଓ ଏଫ୍ଇଏସ୍ ତରଫରୁ ଖପ୍ରାଖୋଲ ଗୋଷ୍ଠୀ ଉନ୍ନୟନ ଅଧିକାରୀ ତରଣୀ ସୁନାଙ୍କୁ ୧୫ଶହ ମାକ୍ସ, ୭ଶହ ଗ୍ଲୋବ୍ ଏବଂ ୭୫ ଲିଟର ସାନିଟାଇଜର ପ୍ରଦାନ କରାଯାଇଛି। ଆରସିଡିସି ତରଫରୁ କୁଳମଣି ସାହୁ ସମସ୍ତ ସାମଗ୍ରୀ ପ୍ରଦାନ କରିଥିଲେ ା ସମସ୍ତ ସାମଗ୍ରୀ ବ୍ଲକର ସ୍ବାସ୍ଥ୍ୟକେନ୍ଦ୍ର, କରେନଟାଇନ ସେଣ୍ଟର ସହିତ କରୋନା ନିରାକରଣ ପାଇଁ କାମ କରୁଥିବା ପୋଲିସ୍ , ପ୍ରଶାସନ ଓ ସ୍ବାସ୍ଥ୍ୟ କର୍ମୀଙ୍କୁ ପ୍ରଦାନ କରାଯିବ ବୋଲି ଗୋଷ୍ଠୀ ଉନ୍ନୟନ ଅଧିକାରୀ ସୁନା ପ୍ରକାଶ କରିଛନ୍ତି।
