ନିମାପଡ଼ା,୨୭।୧୧(ଡି.ଏନ୍.ଏ.): ନିମାପଡ଼ା ବ୍ଲକ ଅନ୍ତର୍ଗତ ଅରିଷଣ୍ଢ ପଞ୍ଚାୟତର ୧୦ନଂ. ଓ୍ବାର୍ଡର ଓ୍ବାର୍ଡସଭ୍ୟା କବିତା ଦଳେଇ ତାଙ୍କ ପଦବୀରୁ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫାପତ୍ର ମଙ୍ଗଳବାର ବିଡିଓ ଶ୍ରୀଧର ବିଶ୍ୱାଳଙ୍କୁ ପ୍ରଦାନ କରିଥିବା ବେଳେ ଏହାର ନକଲ ପଞ୍ଚାୟତର ସରପଞ୍ଚ ଜୟନ୍ତ ପାଟଶାଣିଙ୍କୁ ପ୍ରଦାନ କରିଛନ୍ତି। ୨୦୧୭ ମସିହାରେ କବିତା ଅରିଷଣ୍ଢ ପଞ୍ଚାୟତର ୧୦ନଂ. ଓ୍ବାର୍ଡରୁ ଓ୍ବାର୍ଡସଭ୍ୟା ଭାବେ ନିର୍ବାଚିତ ହୋଇଥିଲେ। ହେଲେ ସେ ମହିଳା ମହାସଂଘର ଥିବା ଆଞ୍ଚଳିକ ମଞ୍ଚର କମ୍ୟୁନିଟି ରିସୋର୍ସ ପର୍ସନ ଭାବେ କାର୍ଯ୍ୟ କରୁଥିଲେ। ଏକ ସଙ୍ଗେ ଦୁଇଟି ପଦବୀରେ ରହି କାର୍ଯ୍ୟ କରିପାରିବେ ନାହିଁ ବୋଲି ଜାଣିବା ପରେ ଇସ୍ତଫା ଦେଇଛନ୍ତି।
