ଭୁବନେଶ୍ୱର,୨୫।୫(ବ୍ୟୁରୋ): ଓମ୍ଫେଡ୍ ହୋଲ୍ସେଲର, ରିସେଲର୍ମାନଙ୍କ ଲାଗି ଏକ ନୂଆ ଗାଇଡ୍ଲାଇନ ରବିବାର ଜାରି କରାଯାଇଛି। ଏହି ପରିବର୍ତ୍ତିତ ଗାଇଡ୍ଲାଇନ ଅନୁଯାୟୀ, ସମସ୍ତ ବ୍ୟକ୍ତି, ଫାର୍ମ ଏଜେନ୍ସି, ହୋଲ୍ସେଲର ଏବଂ ଡିଷ୍ଟ୍ରିବ୍ୟୁଟର ଓମ୍ଫେଡ୍ର ସବୁ ପ୍ରକାର ଜିନିଷକୁ ରାଜ୍ୟର ଯେକୌଣସି ଡାଏରୀ ପଏଣ୍ଟରୁ ସିଧାସଲଖ କ୍ରୟ କରିପାରିବେ। ଓମ୍ଫେଡ୍ର ହୋଲ୍ସେଲ ପଏଣ୍ଟରେ ଏକ ସର୍ବନିମ୍ନ ବିଲ୍ ପୈଠକରି କ୍ରୟ କରିପାରିବେ। ଭୁବନେଶ୍ୱରର ଡାଏରୀରୁ ସର୍ବନିମ୍ନ ୭ହଜାର ୫୦୦ଟଙ୍କାର ବିଲ୍ ପୈଠକରି କ୍ଷୀର ଜାତୀୟ ଜିନିଷ କିଣିହେବ। ଅନ୍ୟ ଡାଏରୀ ସେଣ୍ଟରଗୁଡିକରେ ୫ହଜାର ଟଙ୍କାର ବିଲ୍ କରି କିଣିହେବ। କ୍ଷୀର ଜାତୀୟ ଜିନିଷ କ୍ରୟ କରିବା ପାଇଁ କୌଣସି ଅସୁବିଧା ନାହିଁ। ଯେଉଁ ହୋଲ୍ସେଲରମାନେ ସର୍ବନିମ୍ନ ବିଲ୍ ପୈଠକରି ଓମ୍ଫେଡ୍ ଜାତୀୟ ଜିନିଷ କିଣୁଛନ୍ତି ସେମାନେ ଚାହିଁଲେ ରିଟେଲ ଦରରେ ଖାଲି କ୍ଷୀର ଡାଏରୀ ପଏଣ୍ଟରୁ ନେଇପାରିବେ। ସର୍ବନିମ୍ନ ୩୦ଲିଟର କ୍ଷୀର ବିଲ୍ କରି ନେଇହେବ। ଯଦି କୌଣସି ବଡ଼ କାର୍ଯ୍ୟକ୍ରମ ଲାଗି କେହି ବ୍ୟକ୍ତି, ଫାର୍ମ, ଏଜେନ୍ସି, ହୋଲ୍ସେଲର ଚାହାନ୍ତି ସେମାନେ ଆଗୁଆ ଆଡ୍ଭାନ୍ସ କରି ଡାଏରୀରୁ କ୍ଷୀର ନେଇପାରିବେ। ସେମାନେ ଟେଲିଫୋନ କିମ୍ବା ହ୍ବାଟ୍ସଆପ୍ ମାଧ୍ୟମରେ ନିଜର ଅର୍ଡର ଦେଇପାରିବେ। ପରିବର୍ତ୍ତିତ ଗାଇଡ୍ଲାଇନ ଅନୁଯାୟୀ ଏବେ କୌଣସି ଡିଷ୍ଟ୍ରିବ୍ୟୁଟର ଏବଂ ହୋଲ୍ସେଲରଙ୍କୁ ଜିନିଷ ନେବା ସକାଶେ ଏଗ୍ରିମେଣ୍ଟ କରିବା ପାଇଁ ପଡିବ ନାହିଁ ବୋଲି ଉଲ୍ଲେଖ ରହିଛି।
