କାଳିଆପାଣି/ସୁକିନ୍ଦା, ୭|୯(ଡି.ଏନ୍.ଏ.)- ଖଣି ନିଗମ କାଳିଆପାଣି ଟାଉନ୍ଶିପ କଲୋନୀ ପଡ଼ିଆରେ ଚାଲିଥିବା (ଓଡ଼ିଶା ଖଣି ନିଗମ) ଓଏମ୍ସି କପ୍ ଫୁଟବଲ ଟୁର୍ନାମେଣ୍ଟ ଶୁକ୍ରବାର ଉଦ୍ଯାପିତ ହୋଇଯାଇଛି। ପ୍ରଥମେ ସେମିଫାଇନାଲ ମ୍ୟାଚ୍ କାଳିଆପାଣି ଫୁଟବଲ ଦଳ ଏବଂ ରାଁସୋଲ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ କାଳିଆପାଣି (୧-୦) ଗୋଲ୍ରେ ରାଁସୋଳକୁ ହରାଇ ଫାଇନାଲକୁ ପ୍ରବେଶ କରିଥିଲା। ଅପରାହ୍ନରେ କାଳିଆପାଣି ଓ ଚିଙ୍ଗୁଡ଼ିପା ପଞ୍ଚାୟତ ଫୁଟବଲ ଦଳ ମଧ୍ୟରେ ଅନୁଷ୍ଠିତ ଫାଇନାଲ ମ୍ୟାଚ୍ଟି ସଂଘର୍ଷପୂର୍ଣ୍ଣ ରହିଥିଲା। ନିର୍ଦ୍ଧାରିତ ସମୟସୀମାରେ କେହି କାହାରିକୁ ଗୋଲ୍ ଦେଇପାରି ନ ଥିଲେ। ଶେଷରେ ପେନାଲ୍ଟିକ୍ ସଟ୍ ଆଉଟ ଜରିଆରେ କାଳିଆପାଣି ଚିଙ୍ଗୁଡ଼ିପାଳ ଦଳକୁ (୩-୧) ଗୋଲ୍ରେ ପରାସ୍ତ କରି ଚଳିତବର୍ଷ ପାଇଁ ଚାମ୍ପିୟନ ହୋଇଛି। ଆସୋଶେନ୍ର ସଂଯୋଜକ ପ୍ରଭାତ ପ୍ରଧାନଙ୍କ ସଭାପତିତ୍ୱରେ ଉଦ୍ଯାପନୀ ଓ ପୁରସ୍କାର ବିତରଣୀ ଉତ୍ସବ ଆୟୋଜିତ ହୋଇଥିଲା। ଏଥିରେ ସୁକିନ୍ଦା ବିଧାୟକ ପ୍ରିତୀରଞ୍ଜନ ଘଡ଼ାଇ ମୁଖ୍ୟ ଅତିଥିଭାବେଭାବେ ଯୋଗଦେଇଥିଲେ। କ୍ରୀଡ଼ାର ବିକାଶ ଓ ପ୍ରତିଭା ଅନ୍ବେଷଣ ପାଇଁ ଆୟୋଜିତ ଟୁର୍ନାମେଣ୍ଟ ଅୟଆରାମ୍ଭ ହୋଇଛି। ଆଗାମୀ ଦିନରେ ଏହି ଖେଳ ପଡ଼ିଆରେ ରାଜ୍ୟସ୍ତରୀୟ ସମସ୍ତ କ୍ରୀଡ଼ାର ପ୍ରତିଯୋଗିତା କରାଯିବା ପାଇଁ ପ୍ରୟାସ ଜାରି ରହିବ ବୋଲି ବିଧାୟକ କହିଥିଲେ। ଶ୍ରମିକ ସଗଂଠନ ସାଧାରଣ ସମ୍ପାଦକ ନାରାୟଣ ଚନ୍ଦ୍ର ଧୀର, ସୁକିନ୍ଦା ବ୍ଲକ ଅଧ୍ୟକ୍ଷା ପଦ୍ମାବତୀ ଜେନା, ଉପାଧ୍ୟକ୍ଷ ଦିବ୍ୟରଞ୍ଜନ ବରାଳ, ଜିଲାପରିସଦ ସଭ୍ୟ ପ୍ରତାପ ଚନ୍ଦ୍ର ପାତ୍ର ଓ ପୂର୍ବତନ ବ୍ଲକ ଅଧ୍ୟକ୍ଷା ଭଗବତୀ ମହାନ୍ତ, ଉପଧ୍ୟକ୍ଷ ବିବେକା ବୋଷ, ଖଣି ନିଗମ ଡିଜିଏମ୍ ମନୋଜ ପତି, ପରିଚାଳକ କାଠି ପ୍ରଧାନ, ଇମ୍ଫା କମ୍ପାନୀ ମାନବ ସମ୍ବଳ ବରିଷ୍ଠ ପରିଚାଳକ ଗିରଶ ପଟ୍ଟନାୟକ, ଲୋକ ସମ୍ପର୍କ ବରିଷ୍ଠ ପରିଚାଳକ ଜଗନ୍ନମୋହନ ମଲ୍ଲିକ ସମ୍ମାନିତ ଅତିଥିଭାବେ ଯୋଗଦେଇଥିଲେ। ବିଜୟୀ ଓ ରର୍ନ୍ସ ଅଫ ଦଳକୁ ଟ୍ରଫି ସହ ନଗଦ ଅର୍ଥ ରାଶି ଅତିଥିମାନେ ପ୍ରଦାନ କରିଥିଲେ। ରାଁସୋଳ ସରପଞ୍ଚ ବିଶ୍ୱଜିତ ମହାନ୍ତି, କାଳିଆପାଣି ସରପଞ୍ଚ କଳ୍ପନା ଜେନା ପ୍ରମୁଖ ବହୁ ଜନପ୍ରତିନିଧି ଯୋଗଦେଇଥିଲେ। ପ୍ରଭାକର ବେହେରା, ଉତ୍କଳମଣୀ ବେହେରା, ସପ୍ନେଶ୍ୱର କଅଁର ରେଫରୀ ଭାବେ ଖେଳ ପରିଚାଳନା କରିଥିଲେ । ଗୋଲକ ଦେହୁରୀ, ସଞ୍ଜୀବ ଚାତାର୍, ଦଲୀପ ସର୍ଦ୍ଦାର ସହଯୋଗ କରିଥିଲେ।
