ବଲିଉଡ୍ର ସେଲିବ୍ରିଟିଙ୍କ ବିବାହ ପ୍ରସଙ୍ଗ ଉଠିବ ତ ଅନୁଷ୍କା ଏବଂ ପ୍ରିୟଙ୍କାଙ୍କ ନାଁ ଚର୍ଚ୍ଚା ପରିସରକୁ ଆସିବ। ଅନୁଷ୍କା ଶର୍ମା-ବିରାଟ କୋହଲି ଇଟାଲୀରେ ବିବାହ କରିଥିବାବେଳେ ପ୍ରିୟଙ୍କା-ନିକ୍ଙ୍କ ବିବାହ ମୁମ୍ବାଇରେ ହେବାର ଥିଲା କିନ୍ତୁ ପରେ ଯୋଧପୁରଠାରେ ସମ୍ପନ୍ନ ହୋଇଥିଲା। ଏମାନଙ୍କ ବିବାହ ପାଇଁ ଓ୍ବେଡିଂ ପ୍ଲାନିଂ ବା ବିବାହ ଯୋଜନା କିଏ କରିଥିଲେ ଜାଣନ୍ତି? ଟିନା ଥରଓ୍ବାନି ନାମକ ଜଣେ ଯୁବତୀ ଏମାନଙ୍କ ଓ୍ବେଡିଂ ପ୍ଲାନ୍ କରିଥିଲେ। ବିବାହ ସ୍ବପ୍ନକୁ କିପରି ସତରେ ପରିଣତ କରାଯିବ ତାହା ଭଲ ଭାବରେ ଜାଣିଛନ୍ତି ଟିନା। ସେ ଜଣେ ଓ୍ବେଡିଂ ପ୍ଲାନର। ଆସିଷ୍ଟାଣ୍ଟ ଫିଲ୍ମ ଡାଇରେକ୍ଟରରୁ ଟିନା କ୍ୟାରିୟର ଆରମ୍ଭ କରିଥିଲେ। ବର୍ତ୍ତମାନ ଟିନା ‘ମ୍ୟାରେଜ୍ ସିନ୍’ ନାମକ ଏକ କମ୍ପାନୀ ଚଳାଉଛନ୍ତି। ୨୦୧୫ରେ ସୌରଭ ମାଲହୋତ୍ରା ଏବଂ ମନୋଜ ମିତ୍ରଙ୍କ ସହିତ ମିଶି ଏହି କମ୍ପାନୀ ଆରମ୍ଭ ଆରମ୍ଭ କରିଥିଲେ। ଟିନା କୁହନ୍ତି, ସେ ପ୍ରିୟଙ୍କା ଏବଂ ଅନୁଷ୍କାଙ୍କ ଓ୍ବେଡିଂ ପ୍ଲାନିଂ ଦେଇଥିଲେ। ସେପ୍ଟେମ୍ବରରୁ ମାର୍ଚ୍ଚ ପର୍ଯ୍ୟନ୍ତ ବିବାହ ଋତୁ ଚାଲିଥାଏ। ଏହି ସମୟରେ ସେ ୧୦-୧୨ଟି ଓ୍ବେଡିଂ ପ୍ଲାନ୍ କରିଥାନ୍ତି। ଅନୁଷ୍କା ଏବଂ ବିରାଟଙ୍କ ବିବାହ ଟିନାଙ୍କ ପାଇଁ ଏକ ବଡ଼ ସୁଯୋଗ ଥିଲା ବୋଲି କୁହନ୍ତି। ଏହା ପରେ ପ୍ରିୟଙ୍କାଙ୍କ ବିବାହ ପାଇଁ ଯୋଜନା କରିଥିଲେ। ପୂରା ଟିମ୍ କଷ୍ଟମରଙ୍କ ସମସ୍ତ ଆବଶ୍ୟକତା ଭଲ ଭାବରେ ପୂରଣ କରିଥାନ୍ତି। ତାଙ୍କର ଏକ ଅଫିସିଆଲ ଓ୍ବେବ୍ସାଇଟ୍ ରହିଛି। ସେଥିରେ ପ୍ଲାନିଂର ସମ୍ପୂର୍ଣ୍ଣ ତଥ୍ୟ ରହିଛି। ଯେଉଁଥିରେ ଲୋକେ କନେକ୍ଟ କରିପାରିବେ। ସମସ୍ତଙ୍କ ବିବାହ ପାଇଁ ପ୍ଲାନିଂ କରୁଥିବା ଟିନା ନିଜ ବିବାହ ସମ୍ପର୍କରେ କୁହନ୍ତି, ଯେଉଁଠି ବି ବିବାହ କରିବେ ପୂରା ନିରାଡମ୍ବର ଭାବେ କରିବେ। ଏଥିରେ ତାଙ୍କର କିଛି ଖାସ୍ ବନ୍ଧୁ ସାମିଲ ହେବେ।
