କଟକ ଅଫିସ,୩୦ା୧୦: ଏସ୍ସିବି ମେଡିକାଲରେ ମଙ୍ଗଳବାର ସନ୍ଧ୍ୟା ସୁଦ୍ଧା ୫୮ଜଣ ଡେଙ୍ଗୁ ରୋଗୀ ଚିକିତ୍ସିତ ହେଉଥିବା ସୂଚନା ମିଳିଛି। ସେମାନଙ୍କ ମଧ୍ୟରୁ ୫୨ଜଣ ୱାର୍ଡରେ ଓ ୬ଜଣ ଆଇସିୟୁରେ ଭର୍ତ୍ତି ହୋଇଛନ୍ତି। ଅଦ୍ୟାବଧି ଏସ୍ସିବିରେ ମୋଟ ୧୨୭୧ ଜଣ ଡେଙ୍ଗୁ ଆକ୍ରାନ୍ତ ଚିକିତ୍ସା ନିମନ୍ତେ ଭର୍ତ୍ତି ହୋଇଥିବା ଜଣାପଡ଼ିଛି। ସେମାନଙ୍କ ମଧ୍ୟରୁ ୯୯୯ ପୁରୁଷ ଓ ୨୭୨ ଜଣ ମହିଳା। ବାଲେଶ୍ୱରକୁ ଚଳିତବର୍ଷ ସର୍ବାଧିକ ଡେଙ୍ଗୁ ପ୍ରବଣ ଜିଲା ଭାବେ ଚିହ୍ନଟ କରାଯାଇଛି। ଏହି ଜିଲାରୁ ବର୍ତ୍ତମାନ ସୁଦ୍ଧା ୩୧୯ ରୋଗୀ ଚିକିତ୍ସା ଲାଗି ଭର୍ତ୍ତି ହୋଇଥିବା ବେଳେ ଦ୍ୱିତୀୟ ସର୍ବାଧିକ କେନ୍ଦ୍ରାପଡ଼ା ଜିଲାରୁ ୧୭୯ ଜଣ ରୋଗୀ ରହିଛନ୍ତି। କଟକରୁ ୧୫୪ ଓ ଯାଜପୁରରୁ ୧୮୨ ରୋଗୀ ଭର୍ତ୍ତି ହୋଇଥିବା ଏସ୍ସିବି ପକ୍ଷରୁ କୁହାଯାଇଛି। ଅଗଷ୍ଟ ୧୩ରେ ଡେଙ୍ଗୁରେ କେନ୍ଦ୍ରାପଡ଼ାର ଦେବକୀ ବେହେରା ଏବଂ ଅକ୍ଟୋବର ୧୫ରେ ପୁରୀ ସାକ୍ଷୀଗୋପାଳର ରାମ ବାରିକଙ୍କ ମୃତ୍ୟୁ ଘଟିଥିଲା।
