ଫୁଲବାଣୀ ଅଫିସ, ୨୫ା୨-ଫୁଲବାଣୀସ୍ଥିତ କରୋନେଶନ ପଡିଆରେ ଆଦିବାସୀ ଫୁଟବଲ ଚାମ୍ପିୟନଶିପ୍ ଏସ୍ଡିସି (ସ୍ବତନ୍ତ୍ର ଉନ୍ନୟନ ପରିଷଦ) କପ୍-୨୦୨୦ ସୋମବାର ଉଦ୍ଘାଟିତ ହୋଇଛି ା ସରକାରଙ୍କ ଆଇଟି ସେଲ୍ ଉପଦେଷ୍ଟା ଅନୁଭବ ପଟ୍ଟନାୟକ ଯୋଗଦେଇ ଏହାକୁ ଉଦ୍ଘାଟନ କରିଛନ୍ତି। ପ୍ରଥମ ଦିନ ୪ଟି ମ୍ୟାଚ ଖେଳାଯାଇଛି ା ପ୍ରଥମ ମ୍ୟାଚ କନ୍ଧମାଳ ଏବଂ କେନ୍ଦୁଝର ମହିଳା ଟିମ୍ ମଧ୍ୟରେ ହୋଇଥିଲା ା ଏଥିରେ ୯-୦ ଗୋଲରେ କେନ୍ଦୁଝର ଜିତିଥିଲା ା ସେହିପରି ଦ୍ୱିତୀୟ ମ୍ୟାଚରେ କନ୍ଧମାଳ ପୁରୁଷ ଟିମ୍ ୨-୧ ଗୋଲରେ ବିପକ୍ଷ କେନ୍ଦୁଝରକୁ, ତୃତୀୟ ମ୍ୟାଚରେ ରାଇରଙ୍ଗପୁର ବାଳକ ଟିମ୍ ୧୫-୦ ଗୋଲରେ ବିପକ୍ଷ ମାଲକାନଗିରିକୁ ଏବଂ ଚତୁର୍ଥ ମ୍ୟାଚରେ ରାଇରଙ୍ଗପୁର ବାଳିକା ଟିମ୍ ବିପକ୍ଷ ମାଲକାନଗିରି ଟିମ୍କୁ ୨୧-୦ ଗୋଲ ବ୍ୟବଧାନରେ ହରାଇଛି ା
ଉଦ୍ଘାଟନୀ ଉତ୍ସବରେ ରାଜ୍ୟ ଫୁଟବଲ ଆସୋସିଏଶନ ଉପାଧ୍ୟକ୍ଷ ହୃଦୟ ରଞ୍ଜନ ବେହେରା, ଏସ୍ଡିସି ରାଜ୍ୟ କୋ-ଅର୍ଡିନେଟର ସ୍ବଦେଶ କୁମାର, ଜିଲା ଆଥ୍ଲେଟିକ ଆସୋସିଏଶନ ସମ୍ପାଦକ ଶିବ ପ୍ରସାଦ ତ୍ରିପାଠୀ, ଜିଲା ପରିଷଦ ଅଧ୍ୟକ୍ଷା ଆକାଂକ୍ଷା ପ୍ରଧାନ, ପୂର୍ବତନ ଏସ୍ଡିସି ଅଧ୍ୟକ୍ଷ ରଦନ ମଲ୍ଲିକ, ଉପାଧ୍ୟକ୍ଷ ସୁରେଖା ପାଟ୍ଟମାଝି, ଫୁଲବାଣୀ ସମନ୍ବିତ ଆଦିବାସୀ ଉନ୍ନୟନ ସଂସ୍ଥା ପ୍ରକଳ୍ପ ପ୍ରଶାସକ ବୀରେନ୍ଦ୍ର କୁମାର ଦାସ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ ା ଏହି ଜିଲାସ୍ତରୀୟ ଲିଗ୍ ଆସନ୍ତା ୨୮ ତାରିଖ ଯାଏ ଚାଲିବ ା
