ପ୍ୟୋଙ୍ଗ୍ୟାଙ୍ଗ୍,୧୯।୪: ବିଶ୍ୱରେ ଅନେକ ଦେଶ ରହିଛି। ଯେଉଁଠାରେ ନୀତି, ନିୟମ ମଧ୍ୟ ଭିନ୍ନ ରହିଥାଏ। କିନ୍ତୁ ଏପରି ଏକ ଦେଶ ଅଛି, ଯେଉଁଠି କିଛି ଅଜବ ନିୟମ ରହିଛି। ଏପରି ଦେଶ ହେଉଛି ଉତ୍ତରକୋରିଆ। ଏଠାରେ ଏକଛତ୍ରବାଦୀ ଶାସନ ଚାଲିଥାଏ। ଏହି ଦେଶରେ ଆଜି ମଧ୍ୟ ଗଣତନ୍ତ୍ର ନାହିଁ। ଏକଛତ୍ରବାଦୀ ଶାସକ କିମ୍ ଜୋଙ୍ଗ ତାଙ୍କ ଦେଶର ନାଗରିକଙ୍କ ପାଇଁ ସମସ୍ତ ନିୟମ ସ୍ଥିର କରିଥାନ୍ତି। ଯଦି ଜଣେ ନାଗରିକ କୌଣସି ଅପରାଧରେ ସମ୍ପୃକ୍ତ ଥିବା ଜଣାପଡ଼ନ୍ତି ବା ଦୋଷୀ ସାବ୍ୟସ୍ତ ହୁଅନ୍ତି, ତେବେ ସେ ଦଣ୍ଡିତ ହେବା ସହିତ ତାଙ୍କର ଭବିଷ୍ୟତ ତିନି ପିଢ଼ିକୁ ମଧ୍ୟ ଏହି ଦଣ୍ଡର ସମ୍ମୁଖୀନ ହେବାକୁ ପଡ଼ିଥାଏ।
କିମ୍ ଜୋଙ୍ଗ୍ ତାଙ୍କ ଦେଶବାସୀଙ୍କ ଉପରେ ଏକଛତ୍ରବାଦୀ ଶାସନ ଚଳାନ୍ତି। ତାଙ୍କ ଦ୍ୱାରା ପ୍ରସ୍ତୁତ ସମସ୍ତ ଆଇନ୍ ପ୍ରଜୁଯ୍ୟ ଅଟେ। ଏପରିକି ଜିନ୍ସ ପିନ୍ଧିବା, କେଶ କାଟିବାରେ ମଧ୍ୟ କଟକଣା ରହିଛି। ଉତ୍ତର କୋରିଆରେ ଉଭୟ ମହିଳା ଓ ପୁରୁଷଙ୍କୁ ଜିନ୍ସ ପିନ୍ଧିବାକୁ ବାରଣ କରାଯାଇଛି। ଯଦି କେହି ଏହି ନିୟମ ପାଳନ କରେ ନାହିଁ ତେବେ ତାଙ୍କୁ କଠୋର ଦଣ୍ଡରେ ଦଣ୍ଡିତ ହେବାକୁ ପଡ଼ିଥାଏ।
