ଜଣେ ମହାକାଶ ବିଜ୍ଞାନୀଙ୍କ କୃଷି ମନସ୍କତା ବେଶ୍ ପ୍ରେରଣାଦାୟକ। ବେଙ୍ଗାଲୁରୁର ଇସ୍ରୋ କେନ୍ଦ୍ରର ବେଜ୍ଞାନିକ ଦିବାକର ଚାନ୍ନପା ସହରି ଜୀବନକୁ ଛାଡ଼ି ଏବେ ଗାଁରେ ଖଜୁରିକୋଳି ଚାଷ କରି ବର୍ଷକୁ ଏଥିରୁ ୧୫ ଲକ୍ଷ ଟଙ୍କା ରୋଜଗାର କରୁଛନ୍ତି। ଏହି ଚାଷ ସମ୍ପୂର୍ଣ୍ଣ ଜୈବିକ ପଦ୍ଧତିରେ କରାଯାଉଛି। ଦିବାକର ଇସ୍ରୋରେ ପ୍ରୋଜେକ୍ଟ ସାଇଣ୍ଟିଷ୍ଟ ଭାବେ କାର୍ଯ୍ୟ କରୁଥିଲେ। ୨୦୦୯ରେ ତାଙ୍କ ପିତା ହୃଦଘାତର ଶିକାର ହୋଇଥିଲେ। ଏହା ଯୋଗୁ ତାଙ୍କର ଅଙ୍ଗପ୍ରତ୍ୟଙ୍ଗ ଅଚଳ ହୋଇଯାଇଥିଲା। ତେବେ ଗାଁରେ ପରିବାରର ବୃତ୍ତି କୃଷିକୁ ବଞ୍ଚାଇବା ଲାଗି ଦିବାକର ଗାଁକୁ ଫେରି ଆସିଥିଲେ। ପ୍ରଥମେ ମାଣ୍ଡିଆ, ହରଡ ଡାଲି ଓ ମକାଚାଷ କରିଥିଲେ। ଏଥିରେ ଲାଭ ନ ହେବାରୁ ସେ ଇଜିପ୍ଟ, ସାଉଦି ଆରବ ଓ ଓମାନରେ ଫଳୁଥିବା ଖଜୁରି ଚାଷ ଆରମ୍ଭ କରିଥିଲେ। ସେ ଅଢେଇ ଏକରରେ ଏହି ଚାଷ କରୁଛନ୍ତି ଓ ଏକର ପିିଛା ୬ ଲକ୍ଷ ଟଙ୍କା ପାଉଛନ୍ତି। ମୋଟ ୫ ଟନ୍ ଖଜୁରି ଉପତ୍ାଦନ କରୁଛନ୍ତି।
