ଗୁଜରାଟର ନର୍ସ କମଲେଶ ପରମାର କରୋନା ମହାମାରୀ ସମୟରେ ଲୋକଙ୍କ ଜୀବନ ବଞ୍ଚାଇବାରେ ଲାଗି ପଡିଛନ୍ତି । ସେ ଏଥିପାଇଁ ଦିନରାତି ଏକା କରି ଦେଇଛନ୍ତି ।
ସେବାର ପ୍ରତ୍ୟେକ ଦିନ ତାଙ୍କ ପାଇଁ ପ୍ରଥମ ଓ ଶେଷ ବୋଲି ସେ ମନେକରି କାର୍ଯ୍ୟ କରୁଛନ୍ତି। ଲକ୍ଡାଉନ୍ରେ ଶ୍ରୀ ସାୟାଜି ଜେନେରାଲ (ଏସ୍.ଏସ୍.ଜି) ସରକାରୀ ମେଡିକାଲ କଲେଜ ହସ୍ପିଟାଲରେ କମଲେଶ ଡାକ୍ତର ଓ ନର୍ସମାନଙ୍କ ସମେତ ୨୦୦ ସ୍ବାସ୍ଥ୍ୟ କର୍ମଚାରୀଙ୍କୁ ଖାଦ୍ୟ ମଧ୍ୟ ଯୋଗାଉଛନ୍ତି। ସେ ଓ ତାଙ୍କ ସାଥୀ କର୍ମଚାରୀମାନେ ବସ୍ତିବାସିନ୍ଦାଙ୍କୁ ୨୫,୦୦୦ ମାସ୍କ, ୨୫ଶହ ସାନିଟାଇଜର ଓ ୩୦୦ ରାଶନ କିଟ୍ ଯୋଗାଇ ଦେଇସାରିଛନ୍ତି। ୨୦ ବର୍ଷ ଚାକିରି ମଧ୍ୟରେ ସବୁ ବିପର୍ଯ୍ୟୟ ଏପରିକି କଚ୍ଛ ଭୂମିକମ୍ପ ଓ ସୁରଟ୍ ମହାବନ୍ୟାରେ ସେ ଲୋକମାନଙ୍କ ସେବା କରିଛନ୍ତି। ସେ କୁହନ୍ତି,ଏହା ଲୋକଙ୍କ ଜୀବନ ବଞ୍ଚାଇବାର ଏକ ସୁଯୋଗ। ୫୨ ବର୍ଷୀୟ କମଲେଶଙ୍କ ଜନ୍ମ ଭଦୋଦରାରେ।
ତାଙ୍କ ମାତା ପିତା ଓ ପରିବାର ସଦସ୍ୟମାନେ ସ୍ବାସ୍ଥ୍ୟ ବିଭାଗ କର୍ମଚାରୀ ଓ ମେଡିକାଲରେ କିରାଣି ଭାବେ କାର୍ଯ୍ୟ କରନ୍ତି। ଏହାର ପ୍ରଭାବ ତାଙ୍କ ଉପରେ ପିଲାଦିନରୁ ପଡିଥିଲା ଯାହାଦ୍ୱାରା ସେ ଜଣେ ଭଲ ନର୍ସ ହୋଇପାରିଛନ୍ତି। କମଲେଶ ବି.ଏସ୍ସି. ପାସ୍ କରିବା ପରେ ନର୍ସିଂ ଟ୍ରେନିଂ ନେଇ ଚାକିରିରେ ଯୋଗ ଦେଇଥିଲେ। ଉତ୍ତମ ସେବା ପାଇଁ ୨୦୧୮ରେ ରାଷ୍ଟ୍ରପତିଙ୍କଠାରୁ ସେ ଫ୍ଲୋରେନ୍ସ ନାଇଟଏଙ୍ଗଲ ପୁରସ୍କାର ଗ୍ରହଣ କରିଛନ୍ତି।
