ଆମ୍ବ ଏକ ସୁସ୍ବାଦୁ ଫଳ ଏହା ସମସ୍ତଙ୍କୁ ଜଣା, କିନ୍ତୁ ଆମ୍ବପତ୍ରର ଗୁଣ ବିଷୟରେ ପ୍ରାୟ ଧାରଣା କମ୍। ଆସନ୍ତୁ ଜାଣିବା, ଆମ୍ବପତ୍ରର ଔଷଧୀୟ ଗୁଣ ବିଷୟରେ। ଆମ୍ବପତ୍ର ବିଭିନ୍ନ ପ୍ରକାର ନ୍ୟୁଟ୍ରିଏନଟ୍ରେ ଭରପୂର। ଏଥିରେ ଜୀବସାର ଏ, ବି, ସି ନିଆସିନ୍, ବେଟା କାରୋଟେନ୍, ଥୁଆମିନ୍ ରିବୋପ୍ଲାଭିନ୍ ପ୍ରଚୁର ପରିମାଣରେ ଅଛି, ଯାହାକି ଆମକୁ ସୁସ୍ଥ ରଖିବାରେ ସାହାଯ୍ୟ କରିଥାଏ। ଆମ୍ବପତ୍ରର ନିମ୍ନୋକ୍ତ ସ୍ବାସ୍ଥ୍ୟ ଉପକାରୀ ଗୁଣ ରହିଛି।
ଆମ୍ବପତ୍ରକୁ ପାଣିରେ ଫୁଟାଇ ଥଣ୍ଡାକରି ରାତିରେ ଏକ ପାତ୍ରରେ ରଖନ୍ତୁ, ସକାଳୁ ମଧୁମେହ ରୋଗୀ ନିୟମିତ ଏହି ପାଣିକୁ ପିଅନ୍ତୁ। ଫଳରେ ଶରୀରରେ ଇନ୍ସୁଲିନ୍ ସ୍ତର ଠିକ୍ ରହିଥାଏ ଏବଂ ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରହେ। ଆମ୍ବପତ୍ରର ଏସ୍ଟ୍ରାଟ୍ ନିୟମିତ ଦିନକୁ ୩/୪ଥର ୩/୪ ମାସ ପାନ କଲେ ରକ୍ତଚାପ ସନ୍ତୁଳିତ ହୋଇଥାଏ।
ଏସ୍ଟ୍ରାଟ୍ ନିୟମିତ ସେବନ କଲେ ଏହା ରକ୍ତ ଧମନୀକୁ ଶକ୍ତ କରିବା ସହ ହୃଦ୍ଘାତ ସଙ୍କଟକୁ ହ୍ରାସ କରିଥାଏ। ଶୁଖିଲା ଆମ୍ବପତ୍ର ଗୁଣ୍ଡକୁ ରାତିରେ ଏକ ଗ୍ଲାସ୍ ପାଣିରେ ଭିଜାଇ ସକାଳେ ନିୟମିତ ପାନ କଲେ କିଡ୍ନୀ ଓ ଗଲ୍ବ୍ଲାଡର ପଥରୀ ବା ଷ୍ଟୋନ୍ ମିଳାଇ ଯାଇଥାଏ।
ଗୁଣ୍ଡକୁ ରାତିରେ ଏକ ଗ୍ଲାସ୍ ପାଣିରେ ଭିଜାଇ ସକାଳେ ସେହି ପାଣିକୁ ପିଇଲେ ଡିସେଣ୍ଟ୍ରି ଓ ଡାଇରିଆ ଆଦି ସମସ୍ୟାରୁ ରକ୍ଷା ମିଳିଥାଏ। ଆମ୍ବପତ୍ରର ଏସ୍ଟ୍ରାଟ୍ ସହ ମହୁ ମିଶାଇ ନିୟମିତ ଦିନକୁ ୩/୪ ଥର ପାନକଲେ କଫ, ସାଧାରଣ ଥଣ୍ଡା, ଆଜ୍ମା, ହୁପିଙ୍ଗ୍ କଫ ପରି ସମସ୍ୟାରୁ ରକ୍ଷା ମିଳିଥାଏ।
ଏସ୍ଟ୍ରାଟ୍ ଦିନକୁ ୨/୩ଥର ନିୟମିତ ପିଇଲେ ଗଳା ବସି ଯାଇଥିବା ସମସ୍ୟା ଦୂର ହୋଇଥାଏ। କାନ ବିନ୍ଧୁଥିଲେ ଆମ୍ବପତ୍ରର ଏସ୍ଟ୍ରାଟ୍କୁ ଅଳ୍ପ ଉଷୁମ କରି କାନରେ ଡ୍ରପର ସାହାଯ୍ୟରେ ପକାଇଲେ ଏବଂ କାନମୂଳରେ ଲେପ ଦେଲେ ଆରାମ ମିଳିଥାଏ।
ପୋଡ଼ି ତା’ ଧୂଆଁକୁ ଇନ୍ହେଲ କଲେ ହୁପିଙ୍ଗ୍ କଫ ସମସ୍ୟା ଦୂରହେବା ସହ ଗଳା ସଂକ୍ରମଣଜନିତ ସମସ୍ୟା ଦୂର ହୋଇଥାଏ। ଶୁଖିଲା ଆମ୍ବପତ୍ରର ମଣ୍ଡକୁ ଭାତୁଡ଼ି ଉପରେ ନିୟମିତ ଲେପଦେଲେ ଏବଂ ଖଣ୍ଡିଆ ସ୍ଥାନରେ ଲେପଦେଲେ ଏହା ଶୀଘ୍ର ଶୁଖିଯାଇଥାଏ ଏବଂ ଭାତୁଡ଼ି ସମସ୍ୟା ଦୂର ହୋଇଥାଏ।
ପୋଡ଼ି ସେହି ପାଉଁଶକୁ ପୋଡ଼ା ଘାଆରେ ଲଗାଇଲେ ଏହା ଶୀଘ୍ର ଶୁଖିଥାଏ । ଆମ୍ବପତ୍ରରେ ଅନେକ ପ୍ରକାର ଆଣ୍ଟି ଅକ୍ସିଡାଣ୍ଟ ଏବଂ ଜୀବସାର-ସି ଥିବାରୁ ଏହା ଶରୀରକୁ ଫ୍ରିରେଡିକାଲ ଜନିତ କ୍ଷୟକ୍ଷତି ସମସ୍ୟାରୁ ରକ୍ଷା କରିବା ସହ ଶରୀରକୁ ସୁସ୍ଥ ସବଳ କରିଥାଏ ।
ଯନ୍ତ୍ରଣା ହେଉଥିଲେ ଆମ୍ବପତ୍ରକୁ ପୋଡ଼ି ତା’ ପାଉଁଶରେ ଦାନ୍ତ ଘଷିଲେ ଏବଂ ଆମ୍ବପତ୍ରର ଏସ୍ଟ୍ରାଟ୍ରେ କୁଳି କଲେ ଦାନ୍ତର ସମସ୍ୟା ଦୂର ହୋଇଥାଏ। ଜ୍ୱର ହୋଇଥିଲେ ଆମ୍ବପତ୍ରର ଏସ୍ଟ୍ରାଟ୍କୁ ପିଇଲେ ଶରୀରର ତାପମାତ୍ର କମ୍ ହୋଇଥାଏ।
ଏସିଡ୍ ସମସ୍ୟା ଥିଲେ, କଅଁଳିଆ ଆମ୍ବପତ୍ରକୁ ରାତିରେ ପାଣିରେ ଫୁଟାଇ ରଖନ୍ତୁ। ସକାଳେ ପତ୍ରକୁ ଛାଣି ସେହି ପାଣିରେ ମହୁ ମିଶାଇ ଦିନକୁ ଦୁଇଥର ପିଅନ୍ତୁ। କିଛି ଆମ୍ବପତ୍ରକୁ ୩/୪ ଲିଟର ପାଣିରେ ଫୁଟାନ୍ତୁ। ତାହା ଅଧା ହୋଇଗଲେ ଥଣ୍ଡାକରି ଗାଧୁଆପାଣିରେ ମିଶାଇ ଗାଧାନ୍ତୁ, ଏଥିରେ ଥକାପଣ ଦୂରହେବା ସହ ଶରୀରକୁ ଆରାମ ଲାଗିଥାଏ।
ପୀତାମ୍ବର କର
-ମୁକୁନ୍ଦ ମିଶ୍ର ନଗର, ଗୋପୀନାଥପୁର, ପୁରୀ, ମୋ : ୯୪୩୭୨୦୪୦୯୯
