ଆର.ଉଦୟଗିରି,୧ା୫(ଡି.ଏନ.ଏ.)- ଗଜପତି ଜିଲାର ଆର.ଉଦୟଗିରି ଓ ନୂଆଗଡ ବ୍ଲକ ଅଞ୍ଚଳରେ ବିଦ୍ୟୁତ୍ କାଟ ସମସ୍ୟା ଲାଗି ରହିଛି। ଆର.ଉଦୟଗିରି ବ୍ଲକର ୧୫ ଗଁା ଓ ନୂଆଗଡ ବ୍ଲକର ୧୯ ଗଁା ସହ ଅନ୍ୟାନ୍ୟ ଗ୍ରାମରେ ବର୍ଷତମାମ ବିଦ୍ୟୁତ୍ କାଟ ହେଉଛି। ଘଣ୍ଟାକୁ ୩୦ ରୁ ୪୦ ମିନଟ ବିଦ୍ୟୁତ୍ କାଟ ହେବା ଦ୍ୱାରା ଗ୍ରାହକ ତଥା ବ୍ୟବସାୟ, ବ୍ୟାଙ୍କ, ବ୍ଲକ, ତହସିଲି ଅଫିସ ଓ ପିଲାମାନଙ୍କର ପାଠପଢାରେ ଅସୁବିଧା ହେଉଛି। ଏନେଇ ବିଦ୍ୟୁତ ବିଭାଗକୁ ଯନ୍ତ୍ରୀ ଓ କର୍ମଚାରୀଙ୍କୁ ପଚାରିଲେ ଆମେ ବିଦ୍ୟୁତ କାଟୁନୁ ମୋହନା ଗ୍ରିଡ୍ରୁ କଟାଯାଉଛି ବୋଲି କହିଛନ୍ତି । ନୂଆଗଡରେ ବିଦ୍ୟୁତ୍ କଟିଲେ ବିଏସ୍ଏନ୍ଏଲ ଟ୍ରାୱାର ଫେଲ୍ ହେଉଛି। ଫଳରେ ବ୍ଲକ ଓ ତହସିଲ ଅଫିସରେ କାମ କରିବାରେ ଅସୁବିଧା ହେଉଛି। ବଡପଦା ଅଫିସରେ ଦୀର୍ଘ ବର୍ଷ ହେଲା କନିଷ୍ଠ ଯନ୍ତ୍ରୀ ପଦବୀ ଖାଲି ପଡିଛି। ଏହାର ଦାୟିତ୍ୱରେ ଆର.ଉଦୟଗିରି ସହକାରୀ ଯନ୍ତ୍ରୀ ଦାୟିତ୍ୱ ତୁଲାଉଛନ୍ତି। ଏହି ଦୁଇଟି ଦାୟିତ୍ୱ ତୁଲାଇବିରେ ଅସୁବିଧା ହେଉଛି। ବିଦ୍ୟୁତ୍ ଜନିତ ଅସୁବିଧା ହେଲେ ଲୋକେ ବଡପଦା ଇଲେକ୍ଟ୍ରିି ଅଫିସରେ କାହାକୁ ନ ପାଇ ନିରାଶରେ ଫେରୁଛନ୍ତି। ଏନେଇ ବିଦ୍ୟୁତ୍ ବିଭାଗ ଅଧୀକ୍ଷଣ ଯନ୍ତ୍ରୀଙ୍କ ସହ ଯୋଗାଯୋଗ କରିବାରୁ ଏପରି ବିଦ୍ୟୁତ୍ କଟିବା କଥା ନୁହେଁ। କାହିଁକି ବାରମ୍ବାର ଏହା ହେଉଛି ପଚାରି ବୁଝିବି ବୋଲି କହିଥିଲେ।
